Qazaqstan Prezidenti Qasym-Jomart Toqaev Aýǵanstanda qalyptasqan jaǵdaiǵa bailanysty kesheli beri ekinshi ret jiyn ótkizdi.
Bul týraly óziniń Facebook-tegi paraqshasynda QR Prezidentiniń baspasóz hatshysy Berik Ýáli jazdy, dep habarlaidy "Ult aqparat".
Jiynǵa Premer-Ministr Asqar Mamin, kúshtik qurylymdardyń, atap aitqanda, Ulttyq qaýipsizdik komiteti, Syrtqy ister, Qorǵanys, Ishki ister, Tótenshe jaǵdailar ministrlikteri, Bas prokýratýra, Memlekettik kúzet qyzmeti basshylary men Qaýipsizdik Keńesiniń Hatshysy qatysty.
Aýǵanstan Islam Respýblikasyndaǵy jaǵdaiǵa bailanysty Qazaqstannyń ulttyq múddesin eskere otyryp, shuǵyl áreket etý sharalary jáne bizdiń eldiń azamattarynyń qaýipsizdigin qamtamasyz etý máseleleri talqylandy.
Prezident quzyrly mekemelerge Aýǵanstandaǵy jaǵdaidy jan-jaqty baqylaýda ustaýdy tapsyrdy. Bul osy elmen budan bylaiǵy yntymaqtastyq boiynsha sheshim qabyldaý úshin asa mańyzdy.
