Byltyrǵy Arys qalasynda bolǵan jarylystan búlingen nysandardyń biri temir jol beketiniń ǵimaraty bolatyn. Prezident Túrkistan oblysyna sapary barysynda «Arys-1» temirjol vokzalynyń qazirgi ahýalymen, Arys qalasyn qaita qalpyna keltirý jumystarymen tanysyp, turǵyndarmen kezdesti, dep habarlaidy "Ult aqparat" Aqordaǵa silteme jasap.
– Shyn máninde, orasan zor jumys atqaryldy. Nátijesi jaman emes. Memleket tarapynan qomaqty qarjy bólindi. Arys qalasyn qaita qalpyna keltirýge elimizdiń barlyq aimaǵy atsalysty. Buzylǵan ǵimarattar jóndeldi, jańa úiler salyndy. Sonyń ishinde osy temirjol vokzaly da bar. Ǵasyrlyq tarihy bar bul ǵimarattyń qala turǵyndary úshin mańyzdy ekeni túsinikti, – dedi Memleket basshysy.
Prezident byltyrǵy jarylys kezinde barsha qazaqstandyqtar Arystaǵy aǵaiynnyń jaǵdaiyna alańdaǵanyn, eriktilerdiń kómekke kelgenin, uiymshyldyqtyń arqasynda osyndai aýqymdy jumys atqarylǵanyn, bul halqymyzdyń tatýlyǵynyń kórinisi ekenin aitty.
– Barshańyz kórip otyrsyzdar, qazirgi pandemiia ahýaly eshkimge ońai tiip jatqan joq. Kóptegen elder zardap shekti. Sondyqtan biz de qatań sharalar qabyldaýǵa májbúr boldyq. Qazir jaǵdai birtindep turaqtalyp kele jatyr. Bul – eń aldymen, dárigerlerdiń eńbegi. Shuǵyl sharalardyń nátijesi. Degenmen áli de saqtyq sharalaryn ustanýymyz kerek. Bosańsýǵa bolmaidy. Biz Arysty qalai birigip qalpyna keltirsek, bul dertti de solai birlesip jeńemiz, – dedi Qasym-Jomart Toqaev.
Turǵyndar jarylys bolǵan kúni shuǵyl túrde túndeletip ushyp kelip, halyqpen kezdesip, jaǵdaida únemi baqylaýda ustaǵan Prezident Qasym-Jomart Toqaevqa alǵystaryn aitty. Jergilikti halyq Arys qalasy tolyqtai qaita jańarǵanyn, bul der kezinde qabyldanǵan sheshimniń nátijesi ekenin, osyndai syndarly sátte memlekettiń qamqorlyǵyn sezingenderin aityp, rizashylyqtaryn bildirdi.
