بىلتىرعى ارىس قالاسىندا بولعان جارىلىستان بٷلٸنگەن نىسانداردىڭ بٸرٸ تەمٸر جول بەكەتٸنٸڭ عيماراتى بولاتىن. پرەزيدەنت تٷركٸستان وبلىسىنا ساپارى بارىسىندا «ارىس-1» تەمٸرجول ۆوكزالىنىڭ قازٸرگٸ احۋالىمەن, ارىس قالاسىن قايتا قالپىنا كەلتٸرۋ جۇمىستارىمەن تانىسىپ, تۇرعىندارمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
– شىن مەنٸندە, وراسان زور جۇمىس اتقارىلدى. نەتيجەسٸ جامان ەمەس. مەملەكەت تاراپىنان قوماقتى قارجى بٶلٸندٸ. ارىس قالاسىن قايتا قالپىنا كەلتٸرۋگە ەلٸمٸزدٸڭ بارلىق ايماعى اتسالىستى. بۇزىلعان عيماراتتار جٶندەلدٸ, جاڭا ٷيلەر سالىندى. سونىڭ ٸشٸندە وسى تەمٸرجول ۆوكزالى دا بار. عاسىرلىق تاريحى بار بۇل عيماراتتىڭ قالا تۇرعىندارى ٷشٸن ماڭىزدى ەكەنٸ تٷسٸنٸكتٸ, – دەدٸ مەملەكەت باسشىسى.
پرەزيدەنت بىلتىرعى جارىلىس كەزٸندە بارشا قازاقستاندىقتار ارىستاعى اعايىننىڭ جاعدايىنا الاڭداعانىن, ەرٸكتٸلەردٸڭ كٶمەككە كەلگەنٸن, ۇيىمشىلدىقتىڭ ارقاسىندا وسىنداي اۋقىمدى جۇمىس اتقارىلعانىن, بۇل حالقىمىزدىڭ تاتۋلىعىنىڭ كٶرٸنٸسٸ ەكەنٸن ايتتى.
– بارشاڭىز كٶرٸپ وتىرسىزدار, قازٸرگٸ پاندەمييا احۋالى ەشكٸمگە وڭاي تيٸپ جاتقان جوق. كٶپتەگەن ەلدەر زارداپ شەكتٸ. سوندىقتان بٸز دە قاتاڭ شارالار قابىلداۋعا مەجبٷر بولدىق. قازٸر جاعداي بٸرتٸندەپ تۇراقتالىپ كەلە جاتىر. بۇل – ەڭ الدىمەن, دەرٸگەرلەردٸڭ ەڭبەگٸ. شۇعىل شارالاردىڭ نەتيجەسٸ. دەگەنمەن ەلٸ دە ساقتىق شارالارىن ۇستانۋىمىز كەرەك. بوساڭسۋعا بولمايدى. بٸز ارىستى قالاي بٸرٸگٸپ قالپىنا كەلتٸرسەك, بۇل دەرتتٸ دە سولاي بٸرلەسٸپ جەڭەمٸز, – دەدٸ قاسىم-جومارت توقاەۆ.
تۇرعىندار جارىلىس بولعان كٷنٸ شۇعىل تٷردە تٷندەلەتٸپ ۇشىپ كەلٸپ, حالىقپەن كەزدەسٸپ, جاعدايدا ٷنەمٸ باقىلاۋدا ۇستاعان پرەزيدەنت قاسىم-جومارت توقاەۆقا العىستارىن ايتتى. جەرگٸلٸكتٸ حالىق ارىس قالاسى تولىقتاي قايتا جاڭارعانىن, بۇل دەر كەزٸندە قابىلدانعان شەشٸمنٸڭ نەتيجەسٸ ەكەنٸن, وسىنداي سىندارلى سەتتە مەملەكەتتٸڭ قامقورلىعىن سەزٸنگەندەرٸن ايتىپ, ريزاشىلىقتارىن بٸلدٸردٸ.
