QR Prezidenti Qasym-Jomart Toqaev Armeniia Premer-ministri Nikol Pashiniannyń tezirek saýyǵyp ketýine tilektestigin bildirdi, dep habarlaidy "Ult aqparat".
«Armeniia Premer-ministri N.Pashiniannyń tezirek saýyǵyp ketýine tilektespin. Ol óz qajyr-qairatynyń arqasynda dertten qulan-taza aiyǵyp, dostas Armeniianyń igiligi jolyndaǵy qyzmetine qaita oralady dep senemin», dep jazdy Memleket basshysy Twitter -degi paraqshasynda.
Eske sala ketsek, Armeniianyń premer-ministri Nikol Pashinian men onyń otbasy músheleri koronavirýs juqtyrǵan. Ol bul týraly búgin Facebook-tegi paraqshasynda onlain transliatsiia kezinde málim etti.
