Memleket basshysy «Ardagerler uiymy» respýblikalyq qoǵamdyq birlestiginiń tóraǵasy Baqtyqoja Izmuhamedovti qabyldady, dep habarlaidy Aqordanyń baspasóz qyzmeti.
Qasym-Jomart Toqaevqa «Ardagerler uiymy» respýblikalyq qoǵamdyq birlestiginiń atqaryp jatqan jumysy týraly, atap aitqanda, «Mediatsiia týraly» Zańǵa sáikes qolǵa alynǵan «Dáneker» jobasy boiynsha jasalǵan sharalar jóninde málimet berildi. Sonymen qatar «Ardagerler uiymy» men QR Kásipodaqtar federatsiiasynyń birlesken jobalary jaiynda aityldy.
Qazaqstan Prezidentine Uly Otan soǵysyndaǵy jeńistiń 75-jyldyq merekesine ázirlik barysy, «Ardagerler týraly» Zańnyń jobasy týraly da baiandaldy.
Qasym-Jomart Toqaev «Ardagerler týraly» Zańdy tiianaqty daiyndaýdy, Prezident Joldaýynan týyndaityn máselelerge ardagerler belsendi aralasyp, eldegi qolǵa alynǵan reformalardy halyqqa jan-jaqty nasihattaýdy tapsyrdy.
