Qasym-Jomart Toqaev «Dolce» kásipornyna bardy. Qazaqstan Prezidentine kompaniianyń jumysy men shyǵaratyn ónimderi týraly málimet berildi, dep habarlaidy "Ult aqparat" Aqordaǵa silteme jasap.
Kompaniia basshylyǵy «Dolce» kásipornynyń el naryǵynda 1998 jyldan beri jumys istep kele jatqanyn aitty. 372 adam eńbek etip jatqan kásiporyn 160-tan astam ónim shyǵarady. Olardyń arasynda qazirgi ýaqytta asa qajet meditsinalyq qolǵaptar, úsh jáne tórt qabatty betperdeler, halattar, dári-dármekter bar. Kompaniianyń jyldyq qarjy ainaly – 8,4 mlrd.teńge.
Sondai-aq, Memleket basshysyna oblystaǵy densaýlyq saqtaý salasynyń jaǵdaiy týraly baiandaldy.
Almaty oblysynda koronavirýsqa qarsy is-sharalar aiasynda qysqa merzimde 200 tósektik juqpaly aýrýlar aýrýhanasy salynyp, 180 jedel járdem kóligi jáne 12 jyljymaly meditsinalyq keshen satyp alynǵan. Oblystyń 17 aýrýhanasy ottegi stantsiialarymen qamtamasyz etilip, tósek-oryndardyń 45 paiyzy oksigenoterapiiamen qamtylǵan. 17 kompiýterlik tomograf, 53 rentgen, 75 Hai Flý, 606 jeldetý apparaty jumys istep tur.
Sonymen qatar búginde oblys halqynyń 649 myń turǵyny ekpeniń I komponentin, 510 myńy II komponentin saldyrǵan. Bul oblys halqynyń 60 paiyzy vaktsinamen qamtylǵanyn kórsetedi.
Qasym-Jomart Toqaev oblys basshylyǵyna óńirdegi epidemiologiialyq jaǵdaidy únemi baqylaýda ustaýdy, vaktsina salý jumysyn jedeldetýdi tapsyrdy.
