QR Prezidenti Qasym-Jomart Toqaev Almaty qalasynyń ákimi Baqytjan Saǵyntaevty qabyldady, dep habarlaidy "Ult aqparat" Aqordaǵa silteme jasap.
Memleket basshysyna Almatynyń áleýmettik-ekonomikalyq damýy, úkimettiń keńeitilgen otyrysynyń qorytyndysy boiynsha berilgen tapsyrmalardyń oryndalý barysy týraly málimet berildi.
Qazaqstan Prezidenti qala infraqurylymynyń sapasyn arttyrý, qoǵamdyq qaýipsizdikti, kólik júiesin, meditsina jáne bilim salalaryn damytý, sondai-aq, «halyqtyń únine qulaq asatyn memleket» tujyrymdamasyn belsendi túrde júzege asyrý asa mańyzdy ekenin atap ótti.
Sońynda Qasym-Jomart Toqaev aldaǵy oqý jylyna daiyndyq, turǵyndarǵa sapaly meditsinalyq kómek kórsetý jáne shaharda qordalanǵan ózekti máselelerdi sheshý jóninde birqatar naqty tapsyrma berdi.
