Prezident Qasym-Jomart Toqaev 42500 teńgelik áleýmettik tólemdi negizsiz alǵan alaiaqtardy shekteý kerektigin aitty, dep habarlaidy QazAqparat.
«Azamattar bizdiń elimizde tótenshe jaǵdaidyń engizilýine bailanysty tek qarjylyq qiyndyqqa dýshar bolǵan adamdarǵa kómek beriletinin túsinýi kerek. Sol sebepti kirisi jetkilikti adamdardy negizsiz qoldaý tetikteriniń jolyn kesý kerek. Alaiaqtar men tártip buzǵan adamdardy qoǵamnyń aldynda betin ashyp, ornyna qoiý kerek», - dedi Memleket basshysy Qasym-Jomart Toqaevtyń Tótenshe jaǵdai rejimin qamtamasyz etý jónindegi memlekettik komissiianyń otyrysynda.
