Prezident Qasym-Jomart Toqaev jas urpaqqa ekologiialyq sana-sezimdi sińirý kerektigin aityp ótti, dep habarlaidy QazAqparat.
«Tárbie – sapaly bilimniń negizgi arqaýy, dińgegi. Ál-Farabidiń «Tárbiesiz berilgen bilim – adamzattyń qas jaýy» degen sózi barsha bilim salasy qyzmetkerleriniń boi túzer baǵdary bolýy tiis. Elimizdiń jastary ózin jeke tulǵa retinde damytýmen qatar, memlekettiń ozyq innovatsiialaryna sai órkendeýine zor úles qosýy qajet. Bul qazirgi bilim jáne tárbie berý úderisiniń aldynda turǵan mańyzdy mindet. Otandyq bilim salasy týǵan jerińe, qorshaǵan ortańa, óz tarihyna qurmetpen qaraýǵa tárbielep, ulttyq qundylyqtardy dáripteýi tiis. Keń aýqymdy ótip jatqan «Birge taza Qazaqstan» ekologiialyq aktsiiasynyń dál osyndai baǵyttary óte qajetti durys bastama dep sanaimyn. Mundai sharalarǵa árqashan qoldaý kórsete beremiz», - dedi Memleket basshysy Tamyz konferentsiiasynda.
Memleket basshysy óz sózinde qazaqstandyqtar balalaryna ekologiialyq sana-sezimdi, turmystyq tazalyqty, gigienany saqtaýdy sińirýdi, qorshaǵan ortany qorǵaýdyń mańyzdylyǵyn uqtyrý kerektigin atap ótti.
Eske sala ketsek, elordadaǵy Táýelsizdik saraiynda Memleket basshysy Qasym-Jomart Toqaevtyń qatysýymen Tamyz konferentsiiasy ótip jatyr.
