Prezident Qasym-Jomart Toqaev Ál-Farabi atyndaǵy Qazaq ulttyq ýniversitetine bardy, dep habarlaidy "Ult aqparat" Aqordaǵa silteme jasap.
Memleket basshysy elimizdegi eń iri joǵary oqý ornyn Ál-Farabi murajaiyn aralap kórýden bastady. Prezidentke uly oishyldyń ómiri men qyzmetine arnalǵan eksponattar, sondai-aq sirek qoljazba kitaptary tanystyryldy.
Sodan keiin Qasym-Jomart Toqaevqa ýniversitettiń ǵylymi jetistikteri men innovatsiialyq ázirlemeleriniń kórmesi kórsetildi. Ǵalymdar men stýdentter Memleket basshysyna neiroǵylym, densaýlyq saqtaý, týrizm, agrohimiia, qurylys tehnologiiasy, jasandy intellekt jáne biotehnologiia salalaryndaǵy ózderiniń ǵylymi-innovatsiialyq jobalarynyń múmkindikteri týraly aitty.
Sonymen qatar Prezidentke ýniversitettiń infraqurylymyn keńeitý jospary jóninde málimet berildi. Qasym-Jomart Toqaevqa josparlanǵan qurylys nysandarynyń jobasy jáne jańǵyrtylǵan oqý korpýstary, jataqhanalar men qyzmettik turǵyn úi tanystyryldy.
Ýniversitetti aralap kórý barysynda Memleket basshysyna reseilik «MIFI» ulttyq iadrolyq zertteý ýniversitetiniń prezentatsiiasy kórsetildi. «MIFI» rektory Vladimir Shevchenko Prezidentke joǵary oqý ornynyń ǵylymi jumystary men bilim berý isin tanystyrdy. Jýyrda Ál-Farabi atyndaǵy Qazaq ulttyq ýniversitetiniń bazasynda iadrolyq energetika, farmatsevtika, meditsina jáne ekonomika salasy boiynsha mamandar daiarlaityn «MIFI» filialyn ashý jónindegi kelisimge qol qoiyldy.
Is-shara sońynda Qasym-Jomart Toqaev jas oqytýshylarmen, ǵalymdarmen jáne stýdenttermen, sonyń ishinde sheteldiktermen áńgimelesti.
Stýdentter jastarǵa erekshe kóńil bóletini úshin Memleket basshysyna alǵys aityp, elimizdegi aýqymdy reformalardy qoldaitynyn jetkizdi.
