پرەزيدەنت قاسىم-جومارت توقاەۆ ەل-فارابي اتىنداعى قازاق ۇلتتىق ۋنيۆەرسيتەتٸنە باردى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى ەلٸمٸزدەگٸ ەڭ ٸرٸ جوعارى وقۋ ورنىن ەل-فارابي مۇراجايىن ارالاپ كٶرۋدەن باستادى. پرەزيدەنتكە ۇلى ويشىلدىڭ ٶمٸرٸ مەن قىزمەتٸنە ارنالعان ەكسپوناتتار, سونداي-اق سيرەك قولجازبا كٸتاپتارى تانىستىرىلدى.
سودان كەيٸن قاسىم-جومارت توقاەۆقا ۋنيۆەرسيتەتتٸڭ عىلىمي جەتٸستٸكتەرٸ مەن يننوۆاتسييالىق ەزٸرلەمەلەرٸنٸڭ كٶرمەسٸ كٶرسەتٸلدٸ. عالىمدار مەن ستۋدەنتتەر مەملەكەت باسشىسىنا نەيروعىلىم, دەنساۋلىق ساقتاۋ, تۋريزم, اگروحيمييا, قۇرىلىس تەحنولوگيياسى, جاساندى ينتەللەكت جەنە بيوتەحنولوگييا سالالارىنداعى ٶزدەرٸنٸڭ عىلىمي-يننوۆاتسييالىق جوبالارىنىڭ مٷمكٸندٸكتەرٸ تۋرالى ايتتى.
سونىمەن قاتار پرەزيدەنتكە ۋنيۆەرسيتەتتٸڭ ينفراقۇرىلىمىن كەڭەيتۋ جوسپارى جٶنٸندە مەلٸمەت بەرٸلدٸ. قاسىم-جومارت توقاەۆقا جوسپارلانعان قۇرىلىس نىساندارىنىڭ جوباسى جەنە جاڭعىرتىلعان وقۋ كورپۋستارى, جاتاقحانالار مەن قىزمەتتٸك تۇرعىن ٷي تانىستىرىلدى.
ۋنيۆەرسيتەتتٸ ارالاپ كٶرۋ بارىسىندا مەملەكەت باسشىسىنا رەسەيلٸك «ميفي» ۇلتتىق يادرولىق زەرتتەۋ ۋنيۆەرسيتەتٸنٸڭ پرەزەنتاتسيياسى كٶرسەتٸلدٸ. «ميفي» رەكتورى ۆلاديمير شەۆچەنكو پرەزيدەنتكە جوعارى وقۋ ورنىنىڭ عىلىمي جۇمىستارى مەن بٸلٸم بەرۋ ٸسٸن تانىستىردى. جۋىردا ەل-فارابي اتىنداعى قازاق ۇلتتىق ۋنيۆەرسيتەتٸنٸڭ بازاسىندا يادرولىق ەنەرگەتيكا, فارماتسەۆتيكا, مەديتسينا جەنە ەكونوميكا سالاسى بويىنشا ماماندار دايارلايتىن «ميفي» فيليالىن اشۋ جٶنٸندەگٸ كەلٸسٸمگە قول قويىلدى.
ٸس-شارا سوڭىندا قاسىم-جومارت توقاەۆ جاس وقىتۋشىلارمەن, عالىمدارمەن جەنە ستۋدەنتتەرمەن, سونىڭ ٸشٸندە شەتەلدٸكتەرمەن ەڭگٸمەلەستٸ.
ستۋدەنتتەر جاستارعا ەرەكشە كٶڭٸل بٶلەتٸنٸ ٷشٸن مەملەكەت باسشىسىنا العىس ايتىپ, ەلٸمٸزدەگٸ اۋقىمدى رەفورمالاردى قولدايتىنىن جەتكٸزدٸ.
