Foto: Akorda.kz
Memleket basshysy AQSh-tyń Qazaqstandaǵy elshisi Deniel Rozenbliýmdi qabyldady, - dep habarlaidy "Ult aqparat" Aqordaǵa silteme jasap.
Kezdesý barysynda Qazaqstan men Amerika Qurama Shtattary arasyndaǵy ekijaqty qatynastardy damytýǵa, sondai-aq jahandyq jáne óńirlik qaýipsizdikke qatysty ózekti máseleler qarastyryldy.
Prezident Qasym-Jomart Toqaevtyń aitýynsha, eki el qaýipsizdik, ornyqty damý, klimat problemasy, gýmanitarlyq bailanys jáne basqa da kóptegen sala boiynsha yntymaqtastyq ornatqan.
Memleket basshysy ekonomikalyq yqpaldastyqty ekijaqty qatynastardyń negizgi tiregi retinde atap ótip, saýda-ekonomikalyq jáne investitsiialyq yntymaqtastyqty keńeitý, sonyń ishinde Investitsiia tartý jónindegi keńes qyzmeti aiasynda nyǵaitý qajet ekenin aitty.
Sonymen qatar kezdesýde saýda, kólik, logistika, "jasyl" energetika, ekologiia, taý-ken óndirý ónerkásibi salalaryndaǵy bailanystardy arttyrý múmkindikteri talqylandy.
