Meniń basty ustanymym anyq, aiqyn. Bul - zańnyń ústemdigi. Zańnan joǵary eshnárse bolmaýy kerek. Túrkistan jurtshylyǵymen kezdesýde Qazaqstan Prezidenti Qasym-Jomart Toqaev osylai dedi, dep habarlaidy "Ult aqparat" Aqordanyń tvitterdegi paraqshasyna silteme jasap.
"Qoǵamdaǵy ádilettilik, eń aldymen, atqarýshy bilikke bailanysty. Úkimettiń, ministrlerdiń, barlyq deńgeidegi ákimderdiń, politsiianyń, prokýratýranyń, sottardyń basty maqsaty - azamattardyń quqyǵyn qorǵaý. Mundaǵy meniń basty ustanymym anyq, aiqyn. Bul - zańnyń ústemdigi. Zańnan joǵary eshnárse bolmaýy kerek. Ortalyq jáne jergilikti organdardyń basshylaryna qatysty oryndy shaǵym túsken jaǵdaida olardyń bári jazalanatyn bolady. Sondyqtan basshylar halyqpen tyǵyz qarym-qatynasta jumys isteýi qajet. Jylyna bir ret uiymdastyrylatyn esep berý kezdesýleri – kózboiaýshylyq. Halyqpen kún saiyn birge bolyp, qoian-qoltyq jumys isteýi kerek. Jemqorlyqpen kúres kúsheie túsedi", - dep keltiredi Prezidenttiń sózin Aqordanyń tvitterdegi paraqshasynda.
Sondai-aq, Memleket basshysy elimizdiń aldynda rýhani jáne adamgershilik qundylyqtardy odan ári nyǵaitý mindeti turǵanyn jáne jahandyq álemdegi ulttyq biregeiligimizdi saqtap qalý joldaryn atap ótti.
«Bizde bul máseleler boiynsha jol silteitin temirqazyq bar. Bul - Elbasynyń «Rýhani Jańǵyrý» baǵdarlamasy jáne «Uly dalanyń jeti qyry» atty maqalasy. Osy qaǵidattardy qatań ustaný arqyly ǵana biz jahandyq álemdegi ulttyq biregeiligimizdi saqtap qalamyz. Ultymyzdyń mádeni kodyna súienbesek, elimizdi odan ári jańǵyrta almaitynymyz anyq»,- dedi Prezident.
Jiynda Qasym-Jomart Toqaev eldi birlikke shaqyryp, birlik bolǵany jón ekenin de aitty.
«Birlik bar jerde árdaiym tirlik bolady. Men úshin bul halyq danalyǵynyń máni asa zor. Biz ortaq maqsattarymyzǵa birge qol jetkizemiz dep senemin. Búginde búkil qoǵam órkendegen Qazaqstandy odan ári damyta túsý ideiasyn iske asyrý úshin jumylýy kerek. Meniń Prezident retindegi negizgi ustanymym ári kózqarasym, eń aldymen, sabaqtastyq, iaǵni Elbasy saiasatyn jalǵastyrý. Sabaqtastyq joq jerde turaqtylyq bolmaidy. Tek daǵdarys, tipti janjal, qaqtyǵys qana bolady. Bul - búkil álemniń dáleldengen tarihi tájiribesi»,- dedi QR Prezidenti.
Memleket basshysy ekinshi ustanymy ádilettilik ekenin tilge tiek etti.
«Ádilet joq qoǵam eshqashan damymaidy. Tek qana qiynshylyq, taýqymet, quldyraý bolady. Úshinshi ustanymym - ilgerileý. Qazaqstan básekelestikke toly álemde tek qana alǵa jyljýdy kózdeidi»,- dedi Qasym-Jomart Toqaev.
