Memleket basshysy Qasym-Jomart Toqaev ortalyq atqarýshy organdar basshylary men ákimderdiń halyqqa esep berý kezdesýlerin ótkizýdiń jańa tártibin bekitti, dep habarlaidy "Ult aqparat".
Prezidenttiń baspasóz hatshysy Berik Ýáli atap ótkendei, budan bylai ministrler men ákimder halyqqa esep berý kezdesýlerin beinekonferentsiia bailanysyn paidalanyp, áleýmettik jelilerdegi resmi akkaýnttarda jáne aqparattyq internet-resýrstarda onlain-transliatsiia uiymdastyra otyryp ótkizetin bolady. Barlyq deńgeidegi ákimder esep berý kezdesýin ótkizerden bir kún buryn jáne odan keiin azamattardy jeke qabyldaýlary kerek.
Aqorda saityna jariialanǵan Qaýlynyń tolyq mátinin usynamyz.
«Ortalyq atqarýshy organdar basshylarynyń, ákimderdiń, ulttyq joǵary oqý oryndary rektorlarynyń halyqqa esep berý kezdesýlerin ótkizý týraly» Qazaqstan Respýblikasy Prezidentiniń 2016 jylǵy 5 aqpandaǵy № 190 Jarlyǵyna ózgerister engizý týraly
QAÝLY ETEMIN:
1. «Ortalyq atqarýshy organdar basshylarynyń, ákimderdiń, ulttyq joǵary oqý oryndary rektorlarynyń halyqqa esep berý kezdesýlerin ótkizý týraly» Qazaqstan Respýblikasy Prezidentiniń 2016 jylǵy 5 aqpandaǵy № 190 Jarlyǵyna (Qazaqstan Respýblikasynyń PÚAJ-y, 2016 j., № 14, 53-qujat) mynadai ózgerister engizilsin:
1 jáne 2-tarmaqtar mynadai redaktsiiada jazylsyn:
«1. Ortalyq atqarýshy organdardyń (Qazaqstan Respýblikasynyń Qorǵanys, Syrtqy ister ministrlikterin qospaǵanda) basshylary jyl saiyn ekinshi toqsan ishinde óńirlermen beinekonferentsbailanysyn, áleýmettik jelilerdegi resmi akkaýnttarda jáne buqaralyq aqparat quraldary salasyndaǵy ýákiletti organ aiqyndaityn aqparattyq internet-resýrsta onlain-transliatsiia uiymdastyra otyryp, jurtshylyq ókilderimen esep berý kezdesýlerin ótkizsin, olardyń barysynda elde iske asyrylyp jatqan reformalar, əleýmettik-ekonomikalyq damý, strategiialyq josparlardyń túiindi kórsetkishterine qol jetkizý men tiisti salalardy damytý jónindegi mindetter, olardyń problemalary men sheshý joldary týraly habardar etsin.
2. Barlyq deńgeidegi ákimder jyl saiyn birinshi toqsan ishinde halyqqa esep berý kezdesýlerin ótkizsin, olardyń barysynda elde iske asyrylyp jatqan reformalar, óńirdi odan ári damytýdyń mindetteri men negizgi baǵyttary, problemalyq máseleler jáne olardy sheshý boiynsha josparlar týraly habardar etsin.
Esep berý kezdesýi áleýmettik jelilerdegi resmi akkaýnttarda onlain-transliatsiia jáne aýdan ortalyqtarymen jáne basqa da eldi mekendermen beinekonferentsbailanysyn (tehnikalyq múmkindikterdi eskere otyryp) uiymdastyryla otyryp ótkiziledi.
Esep berý kezdesýi ótkizilýinen bir kún buryn jáne esep berý kezdesýi ótkizilgennen keiin azamattardy jeke qabyldaý ótkiziledi.
Esep berý kezdesýi ótkizilgenge deiin máslihattar depýtattaryn, jurtshylyq, biznes jáne buqaralyq aqparat quraldarynyń ókilderin tarta otyryp, tiisti qoǵamdyq keńesterdiń otyrystarynda oblystar, qalalar jáne aýdandar ákimderiniń esepterin tyńdaý ótkizilsin, olardyń barysynda ákim tiisti ákimshilik-aýmaqtyq birliktiń ótken jyldaǵy áleýmettik-ekonomikalyq damýy, aýmaqtardy damytý baǵdarlamalarynyń túiindi kórsetkishterine qol jetkizý, óńirdi odan ári damytýdyń mindetteri men negizgi baǵyttary, óńirdiń áleýmettik-ekonomikalyq damý basymdyqtaryn aiqyndaý bóliginde jergilikti biýdjetterdiń jobalaryn qalyptastyrý protsesi týraly habardar etedi.»;
5-tarmaqtyń 1) tarmaqshasy mynadai redaktsiiada jazylsyn:
«1) esep berý kezdesýleri ótetin kúnnen bir ai buryn ortalyq jəne óńirlik baspa buqaralyq aqparat quraldarynda, resmi internet-resýrstarda jəne «elektrondyq úkimettiń» veb-portalynda, onyń ishinde ashyq derekterdiń internet-portalynda, sondai-aq áleýmettik jelilerdegi ortalyq atqarýshy organdardyń, ákimdikterdiń resmi akkaýnttarynda jáne ministrler men ákimderdiń jeke akkaýnttarynda esep berý kezdesýlerin ótkizý kestelerin jáne aldaǵy esep berýge halyqtyń suraqtary men usynystaryn joldaý tásilderi týraly aqparatty jariialasyn;»;
6, 7-tarmaqtar mynadai redaktsiiada jazylsyn:
«6. Esep berý kezdesýleri jáne azamattardy qabyldaý aiaqtalǵan kúnnen bastap kúntizbelik on kúnnen keshiktirmei esepterdi jáne olardy sheshý boiynsha tiisti sharalar qabyldaý merzimderin kórsete otyryp, esep berý kezdesýlerinde halyq kótergen problemalyq máseleler tizbesin:
ortalyq atqarýshy organdardyń basshylary jáne oblystardyń, respýblikalyq mańyzy bar qalalardyń, astananyń, aýdandardyń, oblystyq mańyzy bar qalalardyń, qaladaǵy aýdandardyń ákimderi tiisti memlekettik organnyń resmi internet-resýrstarynda;
aýdandyq mańyzy bar qalalardyń, aýyldyq okrýgterdiń, kentter men aýyldardyń ákimderi buqaralyq aqparat quraldarynda jáne bar bolǵan jaǵdaida ákimder apparattarynyń resmi internet-resýrstarynda ornalastyrýdy qamtamasyz etsin.
7. Esep berý kezdesýlerinde halyq kótergen problemalyq máselelerdiń sheshilý barysy (problemalyq máseleler, oryndalý barysy) týraly aqparat toqsan saiyn, esepti kezeńnen keiingi aidyń onynshy kúnine qarai ortalyq atqarýshy organdardyń jáne oblystar, respýblikalyq mańyzy bar qalalar, astana, aýdandar, oblystyq mańyzy bar qalalar, qaladaǵy aýdandar ákimderiniń, aýdandyq mańyzy bar qalalardyń, aýyldyq okrýgter, kentter jáne aýyldar ákimdikteri apparattarynyń internet-resýrstarynda ornalastyrylsyn. Qaladaǵy aýdandar ákimdikteriniń, aýdandyq mańyzy bar qalalar, aýyldyq okrýgter, kentter jáne aýyldar ákimderi apparattarynyń internet-resýrsy bolmaǵan jaǵdaida problemalyq máselerdi sheshý barysy týraly aqparat jergilikti baspa basylymdarynda jariialansyn.»;
12-tarmaqtyń 4) tarmaqshasy alyp tastalsyn;
12-tarmaqtyń 5) tarmaqshasy mynadai redaktsiiada jazylsyn:
«5) ortalyq atqarýshy organdardyń, ulttyq holdingter men kompaniialardyń resmi internet-resýrstarynda ákimderdiń halyqqa esep berý kezdesýleriniń qorytyndysy boiynsha halyq kótergen máselelerdiń qatarynan óz quzyretine kiretin problemalyq máselelerdiń tizbesin toqsan saiyn ózektilendire otyryp ornalastyrýyn;».
2. Osy Jarlyq alǵashqy resmi jariialanǵan kúninen bastap qoldanysqa engiziledi.
Qazaqstan Respýblikasynyń Prezidenti Q.Toqaev
Nur-Sultan, Aqorda, 2020 jylǵy 24 aqpan
№ 272
