Foto: Akorda.kz
Memleket basshysy Abu Dhabi Ports Group kompaniiasynyń basqarýshy direktory Muhammed Jýmý ál-Shamisidi qabyldady, - dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Memleket basshysy Aqtaý jáne Quryq porttaryn damytýdy Qazaqstan strategiialyq maqsat etip otyrǵanyn atap ótti.
Qasym-Jomart Toqaev pen Muhammed Jýmý ál-Shamisi Abu Dhabi Ports Group kompaniiasynyń kólik-logistika salasyndaǵy bai tájiribesin eskere otyryp, osy saladaǵy ózara tiimdi qarym-qatynastyń perspektivalaryn talqylady.
Memleket basshysy Qazaqstan munaiyn Orta dáliz arqyly Ázerbaijanǵa tasymaldaý jónindegi "QazMunaiGaz" kompaniiasy men ADP arasyndaǵy yntymaqtastyqty oń baǵalady.
Prezident Eýraziiany Shyǵanaqpen, Afrikamen jáne Úndistanmen bailanystyratyn "Soltústik – Ońtústik" baǵdarynyń áleýetin paidalaný jospary týraly aitty. Onyń pikirinshe, 2027 jylǵa qarai atalǵan baǵyttyń júk ótkizý qabileti keminde 70 paiyzǵa artyp, 9 million tonnadan 15 million tonnaǵa deiin ulǵaiýǵa tiis.
Osyǵan bailanysty Qasym-Jomart Toqaev "Qazaqstan temir joly" men ADP arasynda birlesken kásiporyn qurý jónindegi ýaǵdalastyqty erekshe atap ótip, bul jobalardyń tabysty júzege asyrylýyna tilektestik bildirdi.
