Qazaqstanda vaktsinalaý qarqyny kóńil kónshitpei otyr jáne vaktsinalaý sanyn arttyrý talaptary kúsheiedi. Bul týraly Premer-Ministr orynbasary Eraly Toǵjanov Ortalyq kommýnikatsiialar qyzmetinde aitty, dep habarlaidy "Ult aqparat".
«Vaktsinalaý boiynsha esh másele kórip otyrǵan joqpyn. Qazir biz azamattarymyzǵa vaktsina alýǵa jaǵdai jasaýymyz kerek. Qajetti vaktsina kólemi Qazaqstanda bar. Alǵashynda muny erikti túrde dep jariialaǵan edik. Biraq, jańa syn-qaterlerdi eskere otyryp, qosymsha sharalar qabyldaýǵa májbúr boldyq», - dedi Eraly Toǵjanov.
Spikerdiń aitýynsha, elimizde 2,4 mln doza vaktsina bar jáne oǵan qosymsha taǵy 2 mln vaktsina jetkiziledi.
«Bizdiń basty mindetimiz – azamattarǵa vaktsina alýdy qoljetimdi etý. Qazirgi ýaqytta Qazaqstanda 2,4 mln doza vaktsina qory bar. Oǵan qosymsha eki aptada taǵy 2 mln vaktsina jetkizýdi qamtamasyz etemiz.
Shyndyǵynda, vaktsinalaý qarqyny kóńil kónshitpei otyr. Muny bárińiz jaqsy bilesiz. Bul birqatar oblys pen Nur-Sultan qalasyna qatysty. Sondyqtan vaktsinalaý sanyn arttyrý talaptary kúsheiedi, táýligine 70 myń dozaǵa deiin jetkizý mindetin qoiyp otyrmyz. Osy mejege umtylatyn bolamyz», - dedi Eraly Toǵjanov.
