QR Premer-Ministriniń orynbasary Eraly Toǵjanovtyń tóraǵalyǵymen QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń otyrysy ótti, dep habarlaidy "Ult aqparat" Rrimeminister.kz-ke silteme jasap.
Kún tártibindegi negizgi máseleler COVID-19-ǵa qarsy kúresý, «omikron» jańa shtammy taralǵan elderde bolǵan qazaqstandyqtardyń oralýy jáne odan keiingi karantinde bolýy máseleleri boiynsha sheshimder qabyldaýǵa qatysty boldy.
Vitse-Premer eldegi epidemiologiialyq jaǵdai turaqty ekenin atap ótip, halyqty koronavirýs infektsiiasyna jáne basqa da juqpaly aýrýlarǵa qarsy vaktsinalaý jumystaryn jalǵastyrý qajet ekenin atap ótti.
Vedomstvoaralyq komissiia josparly immýndaýmen qamtý ońtaily kórsetkish 95%-dan kem emes bolǵan jaǵdaida 10 ai ishinde 79%-dy quraitynyn atap ótti. Respýblikanyń barlyq óńirinde pnevmokokk infektsiiasy, kókjótel, difteriia, sirespege (AKDS) qarsy vaktsinalaýmen qamtýǵa qol jetkizilmegen.
Respýblikalyq mánnen tómen kórsetkishter Atyraý (62,3%), Pavlodar (64,7%), Aqtóbe (66,1%), Mańǵystaý (66,4%), Batys Qazaqstan oblystarynda (67,4%) jáne Almaty qalasynda (63,4%) baiqalady. Immýndaý qarqyny qazan aiynan bastap turaqty tómendep kele jatqan óńirlerdiń, Qaraǵandy, Almaty, Atyraý, Aqtóbe oblystarynyń basshylaryna senip tapsyrylǵan aýmaqtardyń halqyn vaktsinalaýmen qamtýdy erekshe baqylaýǵa alý tapsyrmasy berildi.
