Vitse-premer Eraly Toǵjanov jelini shýlatqan Qyzylorda oblysynyń ákimi Nurlybek Nálibaevtyń áreketine túsinikteme berdi, dep habarlaidy Sputnik Qazaqstan.
Áleýmettik jelide Qyzylorda oblysynyń ákimi Nurlybek Nálibaevtyń qymbat saǵaty qyzý talqyǵa tústi. Jeli qoldanýshylary brend saǵattyń 9 million teńge turatynyn jazdy. Keiinirek 17 maýsymda Nálibaev elordaǵa parlamenttik tyńdaýǵa kelgen kezde jýrnalister ákimnen qymbat saǵaty týraly suraǵysy kelgen. Alaida ol BAQ ókilderin kóre sala, qashyp ketti.
Úkimet kýlýarynda Eraly Toǵjanov oblys ákimimen áli talai kezdesý bolatynyn, sol kezde mán-jaidy tolyq baiandap beretinin aitty.
"Meilinshe qarapaiym bolý mindeti barlyq ákimge qoiyldy. Meniń oiymsha, óz fýnktsionaldy mindetteri aiasynda bári muny oryndaidy", - dedi vitse-premer.
Al "Nálibaevqa sógis jariialandy ma" degen suraqqa Toǵjanov muny Prezident Ákimshiliginen suraý kerek ekenin aitty.
Keleńsiz jaittan keiin oblys ákimi Nurlybek Nálibaev jelidegi paraqshasynda jýrnalisterden nege qashyp ketkenin jazyp, aqtalǵan edi. Aitýynsha, ol basqa kezdesýge keshigip bara jatqan. Al brend saǵatty biznesmen bolǵan kezinde satyp alǵan eken.
