Búgin QR Premer-Ministriniń orynbasary Eraly Toǵjanovtyń tóraǵalyǵymen QR aýmaǵynda koronavirýstyq infektsiianyń taralýyna jol bermeý jónindegi VAK otyrysy ótti, dep habarlaidy primeminister.kz saity.
Otyrysta Prezident Qasym-Jomart Toqaevtyń 19 shildedegi eldegi epidemiologiialyq jaǵdai jónindegi keńeste bergen tapsyrmalarynyń oryndalýyn uiymdastyrý máseleleri qaraldy.
Vitse-premer memlekettik organdar ókilderiniń baiandamalaryn tyńdap, qysqa merzimde Memleket basshysynyń tapsyrmalaryn oryndaý boiynsha kelesi sharalardy qabyldaýdy tapsyrdy:
- jańa shtammdardyń paida bolýyn eskere otyryp, koronavirýstyq infektsiianyń taralýyna jol bermeý jónindegi jedel is-qimyldardyń naqty josparyn ázirleý jáne engizý;
- «QazVac» otandyq vaktsinasyn Dúniejúzilik densaýlyq saqtaý uiymynda tirkeý jáne ony odan ári úshinshi elderdiń naryqtaryna shyǵarý máselesin pysyqtaý, osy baǵytta naqty jol kartasyn ázirleý;
- karantindik shekteýlerdi saqtaýǵa qoiylatyn talaptardy qatańdatý máselesin pysyqtaý;
- vaktsinatsiialaý qarqyny tómen óńirlerge ádistemelik kómek kórsetý úshin kóshpeli brigadalardy qalyptastyrý;
- koronavirýsty diagnostikalaý men emdeý hattamalaryna sáikes reanimatsiia bólimsheleri men jedel meditsinalyq kómek qyzmetterin qosymsha jaraqtandyrýdy qamtamasyz etý jóninde naqty usynystar engizý;
- koronavirýspen aýyratyn naýqastardy emdeý úshin «Remdesivir» preparatyn ortalyqtandyrylǵan satyp alý máselesin sheshý jóninde sharalar qabyldaý;
- Ishki ister ministrligi basqa da múddeli memlekettik organdarmen birlesip, jalǵan vaktsinatsiialaý pasporttaryn jasaýdyń jolyn kesý jónindegi vedomstvoaralyq arnaiy top qursyn;
- Tsifrlyq damý, innovatsiialar jáne aeroǵarysh ónerkásibi ministrligi «Atameken» Ulttyq palatasymen jáne Densaýlyq saqtaý ministrligimen birlesip, biznes sýbektilerin «Ashyq»baǵdarlamasyna engizý jónindegi talaptardy jeńildetsin.
Eraly Toǵjanov monitoringtik toptar qyzmetiniń mańyzdylyǵyn atap ótip, IIM men ákimdikterge osy baǵyttaǵy jumysty jandandyrýdy tapsyrdy. Budan basqa, VAK «Ashyq» arqyly tirkelgen qoǵamdyq oryndarǵa baratyn «qyzyl» jáne «sary» mártebesi bar adamdarǵa qatysty sharalardy qatańdatý týraly sheshim qabyldady. Endi karantin rejiminiń «qyzyl mártebesi» bar quqyq buzýshylardyń esimderi buqaralyq aqparat quraldarynda jariialanady.
Sondai-aq, Vitse-premer E.Toǵjanov memlekettik organdardyń basshylary men óńirlerdiń ákimdikterine immýndaý turǵysynan túsindirý jumystaryn kúsheitýdi, sondai-aq halyqty koronavirýstyq infektsiiadan vaktsinatsiialaýmen qamtýdy arttyrý týraly naqty tapsyrmalar berdi.
