QR Kásipodaqtar Federatsiiasynyń tóraǵasy Eraly Toǵjanov jumys saparymen Qaraǵandy oblysyna bardy, dep habarlaidy federatsiianyń baspasóz qyzmeti.
Baspasóz málimetterine qaraǵanda, QRKF tóraǵasy «ArselorMittal Temirtaý» AQ basshylyǵymen kezdesip, eńbek qaýipsizdigin saqtaý men qazaqstandyq jáne sheteldik jumysshylar jalaqysynyń birdei deńgeide bolý máselesin kóterdi.
Eraly Toǵjanovtyń Qaraǵandy oblysyna jumys sapary Qaraǵandy memlekettik tehnikalyq ýniversitetindegi Tuńǵysh Prezident murajaiyn aralaýdan bastaldy.
QRKF tóraǵasy elimizdegi ken-metallýrgiia salasyndaǵy iri kásiporyn sanalatyn quramynda 29 myń 900 jumysshy eńbek etetin «ArselorMittal Temirtaý» AQ atqaryp otyrǵan jumysymen tanysyp, «ArselorMittal Temirtaý» AQ-daǵy áleýmettik áriptestermen jáne domen tsehy ujymymen kezdesti. Kezdesýge qatysýshylar kásiporyndaǵy jumysshylardyń quqyǵyn qorǵaý jónindegi ózekti máselelerdi talqylady.
QRKF tóraǵasy eńbek qaýipsizdigi men ony qorǵaý boiynsha kásiporynda atqarylyp jatqan jumystardyń apat oryn alǵan kezdegi saldaryn joiýǵa ǵana baǵyttalǵandyǵyna toqtalyp,ony boldyrmaýǵa mańyz berý qajettigin atap aitty.
«2018 jyldyń 10 qarashasynda kombinatta gaz qubyry jarylǵan. Osy jyldyń 4 qyrkúieginde konventor tsehynda taǵy da apat bolyp, tórt metallýrg jaraqat alǵan»,-dedi óz sózinde Eraly Toǵjanov.
2018 jyldyń qorytyndysy boiynsha kásiporynnyń Qurysh departamentinde 22 jazataiym oqiǵa bolyp,sonyń bireýi adam ólimine soqtyrsa, segiz ai ishinde 14 osyndai jazataiym oqiǵa tirkelgen.
Mundai qiyn jaǵdailardyń týyndaýyna óndiristegi jumystardy uiymdastyrýdaǵy adam ómirine qaýipti faktorlardy eskermeý men eńbek qaýipsizdigin saqtaýdy oqytýdaǵy jiberilgen kemshilikter áser etken deýge bolady.
Eraly Toǵjanov kompaniianyń jumys ornyndaǵy kez kelgen qaýipti jaǵdailardy boldyrmaý maqsatynda mundai máselelerdi júieli túrde esepke alyp, qadaǵalaý, birlese jol tabý qajettigin jetkizdi. Sonymen qatar, kásiporyn jumysyna «Nóldik jaraqattanýshylyq» kontseptsiiasy men «Halyqtyq baqylaý» jobasyn engizý týraly oilarymen bólisti.
Kezdesý barysynda 2017 jyldyń jeltoqsan aiynda shahterlardyń ereýili kezinde qoiǵan talaptardyń oryndalýyna qatysty atqarylǵan sharalar talqylandy.
Quramyna kásipodaq komitetiniń ókilderi men ár shahtadan bastamashy top músheleri, jumys berýshiler men Qaraǵandy oblysy ákimi kirgen kelisim komissiiasy jumysynyń nátijesinde 28 tarmaqtan turatyn talaptardyń 17-i oryndalǵan.
Osy talaptar negizinde jerastyndaǵy jáne shahta ústindegi jumysshylardyń jalaqysy 100 paiyzǵa kóterilgenmen, ákimshilik tarapynan injener-tehnikalyq qyzmetkerlerdiń jalaqysyn kóterý máselesi nazardan tys qalǵan.
Kásipodaq federatsiiasy osy máselege qatysty sotqa júginnen keiin ǵana qoiylǵan barlyq talaptar kompaniia tarapynan tolyq oryndaldy.
Kezdesý barysynda Eraly Toǵjanov Prezidenttiń bergen tapsyrmasyna sáikes, jergilikti jáne sheteldik jumysshylardyń eńbek jaǵdaiyn qamtamasyz etý men jalaqysynyń bir deńgeide bolýyna basa nazar aýdarý qajettigin basa aitty.
Kompaniiadaǵy jumysshylardyń ortasha jalaqysy 215 000 teńge bolsa, salalar boiynsha - 260 myń shamasynda.
Kásipodaqtar Federatsiiasy tóraǵasy jumys sapary barysynda Saran qalasynda ornalasqan «ArselorMittal Temirtaý» AQ kómir departameniniń T.Kúzembaev atyndaǵy shahtasyndaǵy shahterlermen kezdesip, olardyń eńbek jaǵdaiy, óndiris jumystaryn uiymdastyrý, eńbek quqyǵyn saqtaý máselelerimen tanysty.
18 qazanda Eraly Toǵjanov Qaraǵandy qalasyndaǵy professor H.J.Maqajanov atyndaǵy oblystyq travmatologiia jáne ortopediia ortalyǵynyń kásipodaq aktivimen kezdesedi.
Bul kúni QRKF tóraǵasynyń Qaraǵandy oblysynyń ákimi J.Qasymbekpen kezdesýi barysynda QR Kásipodaqtar Federatsiiasy men Qaraǵandy oblysynyń ákimdigi arasynda ózara yntymaqtastyq týraly Memorandýmǵa qol qoiý rásimi josparlanǵan.
