Qostanai oblysynyń Tobyl stantsiiasynda ornalasqan elevator aýmaǵynda órt boldy, dep habarlaidy QazAqparat.
Oqiǵa ornynan jasalǵan video @Lisakovsk.life jergilikti pabliginde jariialandy.
«Saǵat 05:54-te B. Mailin aýdany, Tobyl kentindegi Elevatornaia kóshesinde «Tobyl elevatory» JShS aýmaǵynda astyq qaldyqtarynyń qoimasy janyp jatqany týraly habarlama tústi. Órtti sóndirýge Tótenshe jaǵdailar departamentiniń órt sóndirý bólimsheleri, elevatordyń memlekettik emes órtke qarsy qyzmeti jáne «QTJ»UK» AQ órt sóndirý poiyzy jumyldyryldy», - dep habarlady oblystyq TJD-dan.
Jalyn saǵat 14:34-te sóndirildi.
«Órtten № 25, 26 qoimalar ( 2 400 sharshy metr aýmaqta), keptirý-jóneltý munarasynyń ǵimaratynda qabyrǵa qaptamasy ( 40 sharshy metr), sondai-aq 1 040 tonna zyǵyr joiyldy. Órt sharpyǵan jalpy aýmaq 2440 sharshy metrdi qurady. Qaza bolǵandar men zardap shekkender joq», - dep tolyqtyrdy departamentten.
Boljam boiynsha, órttiń sebebi – №25 qoimadaǵy taratý qorabynda (qalqan) bolǵan qysqa tuiyqtalý.
