TMD-ǵa qatysýshy elderdiń syrtqy ister ministrleri Ekinshi dúniejúzilik soǵysqa qatysýshylardyń erligine taǵzym retinde ol týraly ózderiniń ana tilderinde jazylǵan óleńderden úzindiler oqydy. Bul týraly SIM habarlady.
22 maýsymda fashisttik kúshterdiń KSRO aýmaǵyna basyp kirgenine jáne Ekinshi dúniejúzilik soǵystyń bastalǵanyna 80 jyl tolady. Bul oqiǵa Qazaqstan halqyna orasan zor qaiǵy ákeldi.
1,2 millionǵa jýyq qazaqstandyqtar maidanǵa attandy, olardyń 600 myńnan astamy qaza tapty. Shaiqastarda kórsetken erlikteri úshin júzdegen myń adam orden men medalǵa, al 500-den astam jerlesimiz Keńes Odaǵynyń Batyry ataǵyna ie boldy. Fashizmdi jeńýge tyl eńbekkerleri de baǵa jetpes úles qosty.
Surapyl soǵystyń bastalýyn eske alý kúniniń qarsańynda TMD-ǵa qatysýshy elderdiń syrtqy ister ministrleri Ekinshi dúniejúzilik soǵysqa qatysýshylardyń erligine taǵzym retinde ol týraly ózderiniń ana tilderinde jazylǵan óleńderden úzindiler oqydy.
