Táýelsiz Memleketter Dostastyǵy keńistiginde vaktsinatsiia pasportyn ózara tanýdy jedeldetý kerek. Bul týraly TMD uiymyna múshe memleketter basshylary keńesiniń kezekti otyrysynda Qazaqstan Prezidenti Qasym-Jomart Toqaev aitty, dep habarlaidy QazAqparat.
«Pandemiianyń teris saldaryn eńserý kúntártibimizdegi barynsha ózekti taqyryptardyń biri. TMD memleketteri qiyn kezeńde bir-birine qajetti qoldaý men kómek kórsetý arqyly birlik pen yntymaqtastyq tanytty. Bul rette Resei barynsha mańyzdy ról atqardy. Elderimiz koronavirýs pandemiiasymen kúreste jaqsy tájiribe jinady. Onyń ishinde vaktsina ázirleý salasy da bar. Halyqty jappai immýndaý ǵana ahýaldy túzetýge jáne azamattarymyzdyń qaýipsizdigin qamtamasz etýge múmkindik bereri aiqyn. Ózderińiz de biletindei, qazaqstandyq QazVac ázirlemese joǵary tiimdiligin kórsetip otyr jáne ózge elderge gýmanitarlyq kómek retinde jetkizilip jatyr», - dedi Qasym-Jomart Toqaev.
QR Prezidenti elimizdiń ǵalymdary ázirlegen jańa QazCoVac-P preparaty da klinikalyq synaqtardan sátti ótkizilip jatqanyn aitty. Munan bólek, taǵy úsh vaktsinany otandyq ǵalymdar klinikaǵa deiingi testileýden ótkizý ústinde.
«Halyqaralyq deńgeide laiyqty senimge ie bolǵan reseilik Spýtnik V vaktsinasyn shyǵarýdy jalǵastyryp jatyrmyz. Sizderdiń elderińiz de bul salada belsendi jumys júrgizip jatqanyn bilemin. Qazaqstan tyǵyz yntymaqastyqqa, tájiribe almasýǵa jáne óz vaktsinasyn jetkizýge daiyn. Sonymen qatar TMD keńistiginde vaktsinatsiia pasportyn ózara tanýdy jedeldetýdi usynamyn. Mundai sheshim qabyldaý arqyly azamattardyń erkin júris-turysyn qamtamasyz etemiz jáne iskerlik bailanystardy jandandyramyz», - dedi Memleket basshysy.
