Aqtaýda 9 jastaǵy bala stomatologiialyq emnen keiin tómengi jaq súieginiń edáýir bóliginen aiyrylyp, dárigerlerge qatysty qylmystyq is qozǵaldy, dep habarlaidy ult.kz.
Astana.tv arnasyna suqbat bergen balanyń anasynyń aitýynsha, ulyna tis jegisi diagnozy qoiylyp, em birneshe qabyldaý barysynda júrgizilgen. Alaida ár emnen keiin balanyń jaǵdaiy nasharlap, qyzýy kóterilip, qyzyl iegi irińdei bastaǵan. Soǵan qaramastan dárigerler rentgenge jibermegen.
Jeke klinikaǵa júgingende derttiń asqynyp ketkeni anyqtalyp, bala shuǵyl túrde Astanaǵa jetkizilgen. Onda oǵan kúrdeli ota jasalyp, tómengi jaq súieginiń zaqymdanǵan bóligi alynǵan.
Táýelsiz meditsinalyq saraptama emdeýdiń qate diagnozdan bastalǵanyn jáne negizgi qatelik rentgenologiialyq tekserýdiń júrgizilmeýi bolǵanyn rastady. Muny oblystyq stomatologiialyq ortalyqtyń basshylyǵy da joqqa shyǵarmai otyr.
Mańǵystaý oblysy politsiiasy meditsina qyzmetkeriniń kásibi mindetin tiisinshe oryndamaý deregi boiynsha Qylmystyq kodekstiń 317-babynyń 2-bóligimen qylmystyq is qozǵady. Tergeý jalǵasyp jatyr.
Qazir bala Astanada em qabyldap jatyr. Tamyz aiynda oǵan úshinshi ota jasalyp, keiin jaq súiegin qalpyna keltirý jumystary júrgiziledi. Anasynyń aitýynsha, emge osy ýaqytqa deiin shamamen 3 million teńge jumsalǵan.
