Keis Vestern ýniversitetiniń janyndaǵy stomatologiialyq mektep ǵalymdary ibýprofen jáne steroidty emes, basqa da qabynýǵa qarsy dáriler tis aýyrǵanyn basatynyn anyqtady. Mundai dáriler tipti opioidtardan artyq bolyp shyqty. Bul týraly zertteý MedicalXpress jýrnalynda jariialandy.
Dárigerler tis aýyrǵanyn basatyn túrli preparattardyń nátijeligine baǵyttalǵan zertteý qorytyndylaryn saralaǵan. Dárigerlerdiń pikirinshe, quramynda esirtki bar dárilerdi eń aýyr jaǵdaida ǵana paidalný kerek, óitkeni mundai preparattar kóp paidalanylsa, ziian keltiredi. AQSh-tyń Ulttyq densaýlyq institýty málimetteri boiynsha, opioidtardy shekten tys paidalanýdan kúnine 115 amerikalyq kóz jumady eken.
Zertteý qorytyndysy boiynsha, eń qaýipsiz jáne nátijeli atsetaminofenmen (paratsetamol) birge nemese onsyz qoldanylǵan steroidty emes dáriler bolyp otyr. Eresekter eń ońtaily úles úshin 400 milligramm ibýprofen 1000 milligramm paratsetamolmen birge. Al opioidtardyń uiqyny keltirý, tynys alýdy nasharlatý, júrek ainý, loqsý men ishtiń kebýi siiaqty keri áserleri bar.
