Almaty oblysynda birneshe kún boiy iz-túzsiz joǵalǵan 29 jastaǵy er adam óli kúiinde tabyldy, dep habarlaidy ult.kz.
Ulysmedia.kz málimetinshe, marqumnyń týystary onyń qaza bolýyna áriptesterin kúdikti dep sanap otyr. Týystarynyń aitýynsha, er adam 23 mamyr kúni jumysqa ketip, sodan keiin úiine oralmaǵan. Jaqyndary ony óz kúshterimen izdep, tanystarynan surastyryp, aman tabylatynyna úmittengen. Alaida 27 mamyrda onyń kóz jumǵany týraly sýyt habar jetken.
Marqumnyń ápkesi Aqbotanyń sózinshe, qaiǵyly oqiǵa Uiǵyr aýdanyndaǵy ystyq sý kózderi aýmaǵynda bolǵan. Onyń aitýynsha, er adamǵa birge jumys istegen úsh adam shabýyl jasap, aýyr soqqyǵa jyqqan.
Týystarynyń málimdeýinshe, qaza bolǵan azamattyń bolashaqqa qoiǵan josparlary kóp bolǵan. Olar oqiǵanyń jan-jaqty ári ádil tergelýin talap etip otyr.
«Bizge tek shyndyq kerek. Barlyq mán-jai anyqtalyp, kinálilerdiń jaýapqa tartylýyn qalaimyz», – deidi marqumnyń týystary.
