الماتى وبلىسىندا بٸرنەشە كٷن بويى ٸز-تٷزسٸز جوعالعان 29 جاستاعى ەر ادام ٶلٸ كٷيٸندە تابىلدى, دەپ حابارلايدى ult.kz.
Ulysmedia.kz مەلٸمەتٸنشە, مارقۇمنىڭ تۋىستارى ونىڭ قازا بولۋىنا ەرٸپتەستەرٸن كٷدٸكتٸ دەپ ساناپ وتىر. تۋىستارىنىڭ ايتۋىنشا, ەر ادام 23 مامىر كٷنٸ جۇمىسقا كەتٸپ, سودان كەيٸن ٷيٸنە ورالماعان. جاقىندارى ونى ٶز كٷشتەرٸمەن ٸزدەپ, تانىستارىنان سۇراستىرىپ, امان تابىلاتىنىنا ٷمٸتتەنگەن. الايدا 27 مامىردا ونىڭ كٶز جۇمعانى تۋرالى سۋىت حابار جەتكەن.
مارقۇمنىڭ ەپكەسٸ اقبوتانىڭ سٶزٸنشە, قايعىلى وقيعا ۇيعىر اۋدانىنداعى ىستىق سۋ كٶزدەرٸ اۋماعىندا بولعان. ونىڭ ايتۋىنشا, ەر ادامعا بٸرگە جۇمىس ٸستەگەن ٷش ادام شابۋىل جاساپ, اۋىر سوققىعا جىققان.
تۋىستارىنىڭ مەلٸمدەۋٸنشە, قازا بولعان ازاماتتىڭ بولاشاققا قويعان جوسپارلارى كٶپ بولعان. ولار وقيعانىڭ جان-جاقتى ەرٸ ەدٸل تەرگەلۋٸن تالاپ ەتٸپ وتىر.
«بٸزگە تەك شىندىق كەرەك. بارلىق مەن-جاي انىقتالىپ, كٸنەلٸلەردٸڭ جاۋاپقا تارتىلۋىن قالايمىز», – دەيدٸ مارقۇمنىڭ تۋىستارى.
