Nur-Sultan qalasyndaǵy Travmatologiia jáne ortopediia ǵylymi-zertteý institýty dárigerleri kúieýi ústine benzin quiyp órtep jibergen áieldiń jaǵdaiy qalai ekenin aitty, dep habarlaidy "Ult aqparat".
«Naýqastyń reanimatsiia bólimshesinde jatqanyna 9 kún boldy. Jaǵdaiy óte aýyr, kúigen kezde alǵan qorqynyshtan aryldy. Gemodinamikasy turaqsyz. Ómirlik mańyzdy organdardyń qyzmeti dári-dármektiń kúshimen jumys istep tur. Boljam kúmándi, jaǵdaiy jaqsaryp kele jatqan joq. Tiri qalý múmkindigi jaiynda aitýǵa áli erte», - deidi anesteziologiia, reanimatsiia jáne qarqyndy terepiia bólimshesiniń dáriger-reanimatology Erbol Tólgenuly.
Onyń atap ótýinshe, naýqas zond arqyly tamaqtanady, ókpesi jasandy jolmen tynys alýda.
«Qazir biz oǵan eshkimdi kirgizbei otyrmyz, qaitadan infektsiia juǵa ma dep qorqamyz. Ol oqshaýlanǵan. Týǵan-týystary kelip jaǵdaiyn bilip turady. Biz túsindirip aitamyz. Ol es-tússiz jatyr, ómiri jasandy jolmen apparat arqyly qamtamasyz etilýde», - dedi ol.
Buǵan deiin elordalyq azamattyń otbasylyq janjaldan soń áieliniń ústine benzin quiyp, órtep jibergenin habarlaǵan edik.
