Nur-Sultan qalasynyń Qoǵamdyq densaýlyq saqtaý basqarmasynyń basshysy Timýr Muratov qaladaǵy epidemiologiialyq ahýalǵa boljam jasady, dep habarlaidy QazAqparat tilshisi.
«Qazirgi ýaqytta qaladaǵy epidemiologiialyq jaǵdai turaqty, bizdiń statsionarlarda 87 naýqas emdelip jatyr. Bul – qosymsha berilgen 320 tósek-orynnyń 20% ǵana. Iaǵni, qazir statsionarlarda úlken júkteme joq. Sonymen birge, №10 qalalyq emhana siiaqty ambýlatoriialyq mekemelerde PTR oń nátije kórsetken 60 naýqas bar. Olardyń barlyǵy bizdiń baqylaýymyzda, oqshaýlanǵan, olardyń simptomsyz bóligi tek S dárýmenin alyp jatyr. Al aýrý belgileri bar naýqastar hattamalarǵa sáikes tiisti em alýda. Olardyń barlyǵy baqylaýda. Bizdiń mindetimiz – naýqastardyń jaǵdaiy nasharlamaýy úshin olardy ambýlatoriialyq emdeýde úzdiksiz baqylaýdy qamtamasyz etý», - dedi basqarma basshysy №10 qalalyq emhanada ótken kezdesýde.
Sonymen birge, T. Muratov koronavirýs infektsiiasynyń ekinshi tolqynyna boljam jóninde suraqtarǵa jaýap berdi.
«Virýstan saqtansaq, onda onyń taralý aýqymy tómendeidi. Sondyqtan bul boljam ózimizdiń maska taǵyp, áleýmettik qashyqtyq saqtaýymyzǵa tikelei bailanysty. Aradaǵy bailanys azaiǵan saiyn, ekinshi tolqynnyń bolý yqtimaldyǵy da azaiady. Árine, qandai kúrdeli bolsa da, biz ekinshi tolqynǵa daiynbyz. Bári naýqastar sanyna bailanysty bolmaq. Eger epidemiiaǵa qarsy áleýmettik sharalardy tolyq saqtamasaq, naýqastar sany kóbeiýi múmkin. Densaýlyq saqtaý júiesi óz resýrstaryn belgili bir shekke deiin jumsai alatynyn túsiný kerek. Mysaly, tósek-oryn qory boiynsha qalalyq júie úsh kezeńde 5,6 myń tósek-oryn qura alady. Jáne 434 ókpeni jasandy jeldetý apparattarymen jáne basqa da resýrstarmen, dári-dármektermen qamtamasyz ete alady. Biraq oǵan adam resýrsy – meditsinalyq qyzmetkerler de qajet. Sondyqtan qazir ár azamattyń mindeti – aýyryp qalmaý úshin bárin jasaý», - deidi dáriger.
Degenmen, dáriger barlyq erejeler saqtalǵan jaǵdaida ekinshi tolqyn asa kúrdeli bolmaitynyn aitty.
«Eger barlyq qajetti talaptardy oryndasaq, ekinshi tolqynnyń óte jeńil nusqasynan ótetin shyǵarmyz. Iaǵni, aýrý sany az bolady, naýqastardyń bári baqylaýda emdeledi jáne eshkim qaza bolmaidy», - dedi T. Muratov.
