Nur-Sultan qalasyndaǵy epidemiologiialyq ahýal byltyr jazdaǵy úreili kezeńnen de kúrdeli qalypqa jetken. Nur-Sultan qalasy qoǵamdyq densaýlyq saqtaý basqarmasynyń basshysy Timýr Muratov ákimdiktiń onlain brifinginde osylai aityp, halyqty vaktsina alýǵa shaqyrdy, dep habarlaidy QazAqparat.
«Búginde elordada 320 myńnan astam adam vaktsinanyń bir komponentin aldy. 206 myńnan astam azamat tolyqtai immýnizatsiialandy. Halyqty vaktsinamen qamtý úshin biz meditsinalyq uiymdardaǵy egý pýnkteriniń sanyn 3 ese kóbeittik. Olardyń jumys kestesi jeksenbi men mereke kúnderin qosa alǵanda tańǵy 10:00-den 22:00-ge deiin uzartyldy», - degen basqarma basshysy halyqty vaktsinatsiiamen tolyq qamtý úshin Han-Shatyr, MegaSilkWay, Kerýen, Abý-Dabi Plaza, Aziia Park, SaryArqa, Evraziia, Mechta dúkeni siiaqty saýda-oiyn-saýyq ortalyqtarynda vaktsinatsiia pýnktteri jumys istep turǵanyn eske saldy.
«Osy ýaqyt aralyǵynda saýda jáne oiyn-saýyq ortalyǵynda barlyǵy 50 myńnan astam adam vaktsinatsiialandy. Qurmetti azamattar! Ókinishke qarai, alyp otyrǵan epidemiologiialyq jaǵdai qorqynyshty desek qatelespespiz. Ótken jyldyń jazymen salystyrǵanda, odan da kúrdeli. Qarapaiym profilaktikalyq talaptardy saqtasaq, qoǵamdyq jerlerge kóp barýdan bas tartsaq jaǵdai túziler, alaida ony árkim túsine bermeidi. Bir jarym jyldyń ishinde virýspen kúresip kelemiz. Barlyq jasap jatqan sharalar halyq densaýlyǵy úshin. Epidemiologiialyq ahýal oń sheshimin alý úshin halyq vaktsinatsiialaý qajet. Tek birlikte immýndyq júie qalyptasady, osyny jadymyzǵa saqtap alǵanymyz jón», - dedi Timýr Muratov.
