Elordadaǵy qoǵamdyq densaýlyq saqtaý basqarmasynyń basshysy Timýr Muratov qala turǵyndaryn koronavirýs vaktsinasyn saldyrýǵa shaqyrdy, dep habarlaidy QazAqparat.
«Azamattarǵa vaktsinatsiia jáne revaktsinatsiia búgingi tańda COVID-19-dan qorǵanýdyń tiimdi ádisteriniń biri ekenin atap ótkim keledi. Virýs mýtatsiiaǵa ushyraidy jáne adamdarda syrqattanýshylyq qanshalyqty aýyr túrde bolatynyn, onyń taralýy jyldamdyǵyn aldyn ala bile berý múmkin emes», - dedi T. Muratov onlain brifingide.
Onyń aitýynsha, jalpy qala boiynsha birinshi komponentpen 471 myńnan astam adam vaktsinatsiialandy. Statistika kórsetip otyrǵandai, elorda turǵyndary arasynda syrqattanýdyń azaiǵany baiqalyp otyr. Sebebi azamattardyń basym bóligi immýndaý kýrsynan ótti.
«Qala turǵyndaryn vaktsina saldyryp, óziniń qaýipsizdigi úshin tiisti sheshim qabyldaýǵa shaqyramyn. Árine, ekpe saldyrý erikti túrde júrgiziledi, alaida biz dáriger retinde vaktsina saldyrý qajettigi men onyń tiimdigi jaiynda túsindirýge tiispiz. Sondyqtan vaktsinalaý men revaktsinatsiia immýnitetti qorǵaý úshin mańyzdy», - dedi basqarma basshysy.
Budan buryn habarlanǵandai, Timýr Muratov qaladaǵy revaktsinalaý jumystary jaiynda túsindirdi.
Koronavirýs infektsiiasyna qarsy ekpe alǵysy keletinderdi vaktsinatsiialaý jáne revaktsinatsiialaý qalanyń 31 meditsinalyq jáne vedomstvolyq uiymdarynda ornalasqan 72 ekpe kabinetinde, 4 saýda úii men ortalyqtarynda («Aziia Park», «Ábý-Dabi Plaza», «Kerýen», «Eýraziia») jáne «Nurly jol» temirjol vokzalynda júrgizilip jatyr.
