Ekonomist Timýr Ábilqasymov Qarjy naryǵyn retteý jáne damytý agenttigi tóraǵasy Mádina Ábilqasymovanyń keńesshisi bolyp taǵaiyndaldy, - dep habarlaidy "Ult aqparat" qarjy retteýshisiniń saityna silteme jasap.
Agenttik málimetinshe, ol qarjylyq turaqtylyqqa, ekonomikalyq-matematikalyq modeldeýge, bank sektoryn stress-testileýge qatysty máselelerge qatysatyn bolady.
"Timýr Ábilqasymov taǵaiyndalǵanǵa deiin "Radius Advisory Lab" JShÁ konsaltingtik kompaniiasynyń áriptesi laýazymyn atqardy, onda ol Qazaqstannyń jáne Ózbekstannyń kommertsiialyq bankterine jáne iri holdingterine táýekelderdi basqarý, korporativtik basqarý jáne HQES standarttaryn engizý júielerin jetildirý máseleleri boiynsha konsýltatsiia berdi. Kvazimemlekettik sektor kompaniialarynda jáne EDB-da jumys istedi, QR Parlamenti Senatynyń janyndaǵy Jas sarapshylar klýbynyń múshesi", - delingen habarlamada.
Timýr Ábilqasymov Qazaqstan menedjment, ekonomika jáne boljaý institýtyn "biznes ekonomikasy" jáne "memlekettik saiasat ekonomikasy" mamandyqtary boiynsha 2011 jyly aiaqtady, London biznes jáne qarjy mektebinde "táýekel-menedjment" mamandyǵy boiynsha MVA dárejesin aldy. Táýekelderdi basqarý jónindegi kásibi mamandardyń jahandyq qaýymdastyǵynan FRM (Financial Risk Manager) halyqaralyq sertifikatynyń iegeri bolyp tabylady. Budan basqa, Timýr Ábilqasymovtyń operatsiialyq táýekelder, Bazel III jáne Data science boiynsha sertifikattary bar.
Basqa da laýazymdary: buryn Ábilqasymov "Qaztemirtrans" AQ jáne "Kazakhstan Energy Reinsurance Company" Direktorlar keńesiniń múshesi laýazymyn atqardy, sondai-aq M. Nárikbaev atyndaǵy QazMZÝ-da aǵa oqytýshy bolyp jumys istedi. Táýekelderdi basqarý, modeldeý jáne qarjy sektory máselelerine arnalǵan "Risk Takers" telegram-arnasynyń avtory boldy.
