Sońǵy 30 jyl ishinde syrtqy saiasi vedomstvo kásibi kadrlyq apparatty qalyptastyrdy. Bul týraly «Halyqaralyq qatynastardyń qazirgi zamanǵy júiesindegi Qazaqstan Respýblikasy» atty halyqaralyq konferentsiia barysynda QR Syrtqy ister ministri Muhtar Tileýberdi aitty, dep habarlaidy QazAqparat.
«Syrtqy qatynastar organdary qyzmetiniń uiymdyq-quqyqtyq negizderin jasaý boiynsha mańyzdy jumys atqaryldy – ministrliktiń mindetteri men fýnktsiialaryn aiqyndaǵan «Diplomatiialyq qyzmeti týraly» zań ázirlenip, SIM-niń Almatydaǵy ókildiginiń quqyqtyq mártebesi bekitildi. Sońǵy 30 jyl ishinde syrtqy saiasi vedomstvo kásibi kadrlyq apparatty qalyptastyrdy», - dedi ministr.
Onyń atap ótýinshe, ministrlik kadrlyq saiasatta genderlik teńgerim jáne teń múmkindikter ornatý boiynsha turaqty jumys istep jatyr.
«Otandyq diplomatiialyq qyzmettiń qalyptasýyna áiel áriptesterimiz de atsalysyp, ortalyq apparatta joǵary laýazymdarǵa taǵaiyndalyp, shet elderdegi diplomatiialyq missiialardy basqarady. Qazirgi ýaqytta ministrliktiń ortalyq apparatynda 137 áiel jumys isteidi. Bul qyzmetkerlerdiń jalpy sanynyń 32 paiyzyn quraidy. Diplomatiialyq qyzmettegi áielderdiń úlesin moiyndap, biyl Birikken Ulttar Uiymy 24 maýsymdy «Diplomatiiadaǵy áielder halyqaralyq kúni» dep jariialaǵanyn erekshe atap ótkim keledi», - dedi Muhtar Tileýberdi.
