سوڭعى 30 جىل ٸشٸندە سىرتقى ساياسي ۆەدومستۆو كەسٸبي كادرلىق اپپاراتتى قالىپتاستىردى. بۇل تۋرالى «حالىقارالىق قاتىناستاردىڭ قازٸرگٸ زامانعى جٷيەسٸندەگٸ قازاقستان رەسپۋبليكاسى» اتتى حالىقارالىق كونفەرەنتسييا بارىسىندا قر سىرتقى ٸستەر مينيسترٸ مۇحتار تٸلەۋبەردٸ ايتتى, دەپ حابارلايدى قازاقپارات.
«سىرتقى قاتىناستار ورگاندارى قىزمەتٸنٸڭ ۇيىمدىق-قۇقىقتىق نەگٸزدەرٸن جاساۋ بويىنشا ماڭىزدى جۇمىس اتقارىلدى – مينيسترلٸكتٸڭ مٸندەتتەرٸ مەن فۋنكتسييالارىن ايقىنداعان «ديپلوماتييالىق قىزمەتٸ تۋرالى» زاڭ ەزٸرلەنٸپ, سٸم-نٸڭ الماتىداعى ٶكٸلدٸگٸنٸڭ قۇقىقتىق مەرتەبەسٸ بەكٸتٸلدٸ. سوڭعى 30 جىل ٸشٸندە سىرتقى ساياسي ۆەدومستۆو كەسٸبي كادرلىق اپپاراتتى قالىپتاستىردى», - دەدٸ مينيستر.
ونىڭ اتاپ ٶتۋٸنشە, مينيسترلٸك كادرلىق ساياساتتا گەندەرلٸك تەڭگەرٸم جەنە تەڭ مٷمكٸندٸكتەر ورناتۋ بويىنشا تۇراقتى جۇمىس ٸستەپ جاتىر.
«وتاندىق ديپلوماتييالىق قىزمەتتٸڭ قالىپتاسۋىنا ەيەل ەرٸپتەستەرٸمٸز دە اتسالىسىپ, ورتالىق اپپاراتتا جوعارى لاۋازىمدارعا تاعايىندالىپ, شەت ەلدەردەگٸ ديپلوماتييالىق ميسسييالاردى باسقارادى. قازٸرگٸ ۋاقىتتا مينيسترلٸكتٸڭ ورتالىق اپپاراتىندا 137 ەيەل جۇمىس ٸستەيدٸ. بۇل قىزمەتكەرلەردٸڭ جالپى سانىنىڭ 32 پايىزىن قۇرايدى. ديپلوماتييالىق قىزمەتتەگٸ ەيەلدەردٸڭ ٷلەسٸن مويىنداپ, بيىل بٸرٸككەن ۇلتتار ۇيىمى 24 ماۋسىمدى «ديپلوماتيياداعى ەيەلدەر حالىقارالىق كٷنٸ» دەپ جارييالاعانىن ەرەكشە اتاپ ٶتكٸم كەلەدٸ», - دەدٸ مۇحتار تٸلەۋبەردٸ.
