Almaty qalasy Alataý aýdandyq sotynda «Til – ulttyq qazyna» taqyrybynda dóńgelek ústel ótkizildi. Atalǵan sharaǵa Alataý aýdandyq sotynyń sýdiasy N.E. Qarabaev tóraǵalyq etti. Atalǵan sharaǵa sondai-aq «El birligi» qoǵamdyq qorynyń prezidenti Sh.B.Rizabekova jáne memlekettik emes uiym músheleri men Alataý aýdandyq ákimdiginiń mádeniet bóliminiń qyzmetkerleri jáne Alataý aýdandyq sotynyń qyzmetkerleri qatysty.
Alataý aýdandyq sotynyń sýdiasy Nurjan Erýbaiuly – «Sot júiesinde memlekettik tildiń qoldanysyn damytý bizdiń basty mindetimiz. Qazaqstan Respýblikasynyń memlekettik tili – Qazaq tili. Demek, tildiń mártebesi Qazaq tiliniń abyroiyn asqaqtatý siz ben bizden bastalady. Talai jylǵy tájirbiemde aýdan men oblysta qyzmet ettim, Qazaq tilindegi kóp júrgizilgen ister sanatyn dál osy Alataý aýdandyq sotyna kelgeli sezinip júrmin. Qazaqtyń aqyly - kózinde, qasieti sózinde degen ulylardyń sózi bar. «Til – tirshiliktiń bastaýy» dep te beker aitylmaǵan. Memlekettik qyzmette, iaǵni biz jumys jasap júrgen sot júiesinde memlekettik til – Qazaq tiliniń qoldanysyn keńeitip, basymdyq berý basty boryshymyz»: -dedi óz sózinde.
Til máselesin qozǵap, saliqaly áńgime órbitken Nurjan Erýbaiulyna rizashylyǵyn bildirgen «El birligi» qoǵamdyq qorynyń prezidenti Sholpan Bostanqyzy - «Biz, Qazaq halqy, synaqty da syndarly taǵdyrdy bastan keshirdik. Sol jyldarda tilimizge degen qurmetti azaityp aldyq, Táýelsizdigimizdi alyp, qaita oralǵan dinimiz ben tilimizdiń jaǵdaiy búgin de qaita asqaqtap keledi. Elbasymyz alǵa qoiǵan árbir baǵdarlamar men josparlarynda mindetti túrde Qazaq tiliniń mártebesin kóterýdi tilge tiek etedi. «Rýhani jańǵyrý» rýhymyzdy jańartý emes, ótkenimiz ben búginimizdi bútindeý, tilimiz ben tirligimizdi toǵystyrý. Aýdandyq sottar arasyna osy Alataý aýdandyq sotynda Qazaq tiliniń, qazaqilyqtyń iisi ańqyp turatynyn erekshi atap aitqym keledi»: - dep qorytyndylady óz oiyn.
Sharaǵa qatysýshylar Alataý aýdandyq sotynda túrli seminarlar men treningter, brifingter men dóńgelek ústelder jii Qazaq tilinde uiymdastyrylyp, shaqyrtýlar alyp qatysyp, óz oilaryn ortaǵa salyp, sottyń ashyqtyǵy men jariialylyǵy úshin baryn salyp júretin barsha sot ujymyna alǵystaryn bildirdi.
