Qazaqstan álemdik qaýymdastyqqa dendep engen saiyn damyǵan elderdiń órkeniet kóshine ilesýge kerekti talaptardy oryndaý mindettemelerin de qatar alýda. Solardyń biri jáne negizgisi aǵylshyn tilin meńgerý ekeni belgili.
Osy rette elimizde úshtildilik júiesin engizý zaman talabynan týyndap otyrǵan Elbasynyń tapsyrmasy. Óitkeni, aǵylshyn tili qazir jahandyq qatynas quraly ári jańa tehnologiianyń barlyǵy derlik osy tilde shyǵady. Sondyqtan, damyǵan otyz eldiń qatarynan tabylý úshin búgingi jáne keler urpaqtyń aǵylshyn tilin meńgerýine qolaily jaǵdai jasaý memlekettiń tildik saiasatyndaǵy basym baǵyttyń birim bolyp otyr. Elbasy ilgerirekte sheteldik buqaralyq aqparat quraldarynyń birine bergen suhbatynda qazaqtar álemdik ǵylym men mádenietke orys tili arqyly shyqqanyn, biraq, qazir aǵylshyn tilin meńgerip, kókjiegimizdi keńeite túsý qajettigin atap ótkeni este. Sondai-aq, qazir qoǵamnyń basty talqylaýyna ainalǵan «Bolashaqqa baǵdar: rýhani jańǵyrý» maqalasynda da bul oiyn «...jer júzindegi milliardtan astam adam óziniń týǵan tilimen qatar, kásibi bailanys quraly retinde japa-tarmaǵai oqyp jatqan aǵylshyn tilin bizdiń de jappai jáne jedel úirenýimiz kerektigi esh dáleldeýdi qajet etpeitindei. Bul – bázbireýlerdiń ánsheiin qalaýy emes, jahandyq álemge erkin kirigip, jumys isteýdiń basty sharty», – dep túiindei tústi.
Demek, jeti jurttyń tilin bilýdi ósiettegen babalarymyzdyń búgingi urpaǵy úshin de til bilýdiń mańyzy eshqashan kemimek emes.
Daýren Aikýlov,
Alataý aýdandyq Sotynyń sýdiasy
ALMATY QALASY
