Qostanaida politseilerge dórekilik tanytqan júrgizýshi ustaldy, - dep habarlaidy Massaget.kz.
TikTok jelisinde júrgizýshi politseilerdi balaǵattap jatqan video paida boldy. Kadrlarda video avtory, Mercedes-Benz kóliginiń iesi ózin toqtatqan tártip saqshylaryna dóreki, ádepsiz sózder aitady.
Nazar aýdaryńyz! Videoda ádepsiz sózder aitylǵan.
Qostanai oblysynyń Politsiia departamenti málimetinshe, kólikte memlekettik nómir bolmaǵan. Politsiia qyzmetkerleri ony qalalyq jaǵajai aýmaǵynda ustaǵan. Tártip saqshylarynyń aitýynsha, zańbuzýshylyqty tirkeý kezinde er adam olardy balaǵattap, oqiǵa ornynan qashýǵa tyrysqan.
"Qostanai turǵynyna qatysty QR Ákimshilik quqyqbuzýshylyq týraly kodekstiń 667-baby boiynsha "Quqyq qorǵaý organy nemese arnaýly memlekettik organ, áskeri politsiia organy, memlekettik feldegerlik qyzmet qyzmetkeriniń (áskeri qyzmetshisiniń), sot pristavynyń, sot oryndaýshysynyń zańdy ókimine nemese talabyna baǵynbaý", QR Qylmystyq kodeksiniń 378-baby "Bilik ókilin qorlaý" boiynsha ákimshilik is qozǵaldy. Sondai-aq, tirkelgen eki derek boiynsha sotaldy tergeý bastaldy", - dedi Politsiia departamenti ókilderi.
Qazir oblys turǵyny sot sheshimi shyqqansha ýaqytsha ustaý izoliatoryna qamalǵan.
