Elordadan tikelei halyqaralyq áýe reisteriniń sanyn arttyrý qajet. Bul týraly Nur-Sultan ákimdiginde ótken qalany odan ary damytý máseleleri jónindegi májiliste Memleket basshysy Qasym-Jomart Toqaev aitty, dep habarlaidy QazAqparat.
«Halyqaralyq áýe qatynastary sanyn arttyrý mańyzdy másele sanalady. Qazirgi ýaqytta Nur-Sultannan halyqaralyq baǵytta 30-dan az tikelei reis oryndalady. Bul – jetkiliksiz», - dedi Memleket basshysy.
Qazaqstan Prezidentiniń aitýynsha, elorda ózin halyqaralyq ortalyq retinde kórsetip otyr.
«Áýeni ashý qajet. Bul – meniń Úkimetke tapsyrmam. Eń tanymal, eń bedeldi kompaniia bolsa-daǵy betinen qaǵýdan qoryqpaý kerek. Áýeni ashý kerek», - dedi Q.Toqaev.
