The Insider basylymynyń tilshisi Oksana Baýlina Kievte redaktsiia tapsyrmasyn oryndap júrgen kezde oqqa ushyp, qaza tapty, dep habarlaidy Azattyq.
"Ol Resei bombalap jatqan Kievtiń Podolsk aýdanyn sýretke túsirip júrgen kezde jańa zymyrannyń bombalaýynyń astynda qaldy. Onymen birge bir beibit turǵyn qaza tapty. Olardy ertip júrgen eki adam jaralanyp, aýrýhanaǵa tústi" dep jazady The Insider.
Oksana Baýlina buǵan deiin Aleksei Navalnyi negizin qalaǵan Jemqorlyqpen kúres qorynda jumys istegen. Azattyqtyń Orys qyzmetinde jáne "Mediazonada" tilshi bolǵan.
2017 jyly Azattyqtyń Orys qyzmeti Oksana Baýlina jaiynda derekti film túsirgen. Ol kezde Oksana "Navalnyi Live" kanalynda bas redaktor qyzmetin atqarǵan. Kanaldy Resei biligi ekstremistik uiymdardyń tizimine engizgennen keiin Baýlina Reseiden ketýge májbúr bolǵan.
