Foto: timeshighereducation.com
Bilim berý uiymdarynyń jahandyq Turaqty damý maqsattaryna (TDM) qol jetkizý protsesine qatysýyn jáne olardyń áleýmettik-ekonomikalyq áserin baǵalaityn THE Impact Ranking 2023 jahandyq reitinginiń nátijeleri jariialandy. Reitingke 112 elden 1590-nan astam ýniversitet qatysty.
Reiting nátijesi boiynsha Abai atyndaǵy QazUPÝ 601-800 pozitsiiany ielenip, Qazaqstan boiynsha kósh bastady. Sonymen qatar, Qazaqstannyń TOP-5 úzdik ýniversitetter qataryna ál-Farabi atyndaǵy QazUÝ (801-1000), AlmaU (801-1000), D.Serikbaev atyndaǵy Shyǵys Qazaqstan tehnikalyq ýniversiteti (801-1000) jáne Q.A.Iasaýi atyndaǵy HQTÝ (1001+) kirdi.
Otandyq joǵary oqý oryndarynyń álemdik reitingke qatysýy olardyń álemdik bilim berý qoǵamdastyǵy kontekstindegi básekege qabilettiligi men mańyzdylyǵyn kórsetedi.
