Qazaqstan lańkestik deńgeii jaǵynan eń qaýipti elder reitinginde 135 eldiń arasynda 93-shi oryn aldy. Eldiń indeksi 0,901-di quraǵan – bul kórsetkish óte tómen qaýip deńgeiine jatqyzylady. Bul týraly energyprom.kz caity habarlady.
Indeks máni neǵurlym joǵary bolsa, elde janjaldar men lańkestik aktiler soǵurlym jii bolady. Eger indeks nólge teń bolsa, bul elde lańkestik qaýpi múldem joq ekenin bildiredi.
Reiting málimetterine sáikes, antikóshbasshylar elderdiń «ondyǵynda» álemde lańkestikten bolatyn ólimniń 80 paiyzy bolyp otyr.
Lańkestik qaýpi joǵary elder reitingin Aýǵanstan, Irak jáne Nigeriia ashyp otyr.
2020 jyldyń qańtar-qazan ailarynda elimizde ekstremizm jáne lańkestikpen bailanysty 189 qylmystyq quqyqbuzýshylyq tirkelgen, bul byltyrǵy jylmen salystyrǵanda 14,9 paiyz az.
Salystyrmaly túrde: 2019 jyldyń qańtar-qazan ailarynda 222 oqiǵa tirkelgen, bul aldyńǵy jylmen salystyrǵanda 24,2 paiyz az.
Aimaqtyq deńgeide ekstremizm jáne lańkestikke bailanysty eń kóp quqyqbuzýshylyqtar Túrkistan oblysy men Almaty qalasynda tirkelgen (árbir aimaqta 29 oqiǵadan).
Antikóshbasshylar tizimine sondai-aq Shymkent (19 quqyqbuzýshylyq) jáne Nur-Sultan qalasy (15 oqiǵa) kirdi.
Quqyqbuzýshylyqtar eń az tirkelgen aimaqtarǵa Soltústik Qazaqstan, Aqmola jáne Pavlodar oblystary kirdi.
