Qazaqstanda terrorizm aktisi týraly jalǵan habarlama taratqandar 14,5 mln teńge aiyppul tóleidi. Bul týraly QR IIM ekstremizmge qarsy is-qimyl departamenti bastyǵynyń orynbasary Darhan Razýev aitty, dep habarlaidy QazAqparat.
«Qazaqstanda terrorizm aktisi týraly kórineý jalǵan habarlama úshin 5 000 ailyq eseptik kórsetkishke, iaǵni 14,5 mln teńgege deiin aiyppul tóleý nemese osy kólemde túzeý jumystaryna tartý, sondai-aq 5 jylǵa deiin bas bostandyǵynan aiyrý nemese shekteý jazasy qoldanylady. Osy qylmysty jasaǵany úshin 14 jasqa tolǵan balalar qylmystyq jaýapqa tartylady. Sondyqtan muny mektep oqýshylary bilýi tiis», - dedi Darhan Razýev IMM baspasóz qyzmeti alańynda ótken brifingte.
Sonymen qatar onyń aitýynsha, osyndai habarlamanyń kesirinen keltirilgen barlyq shyǵyndar ótelýi tiis. Mundai áreketti kámeletke tolmaǵan bala jasaǵan bolsa, shyǵyndy ata-anasy óteidi.
«Terrorizm aktisi týraly kórineý jalǵan habarlama – ol ázil de, ermek te emes. Bul qylmystyq jazalanatyn áreket ekenin taǵy da esterińizge salǵym keledi. Jalǵan habarlama berilgen ýaqyttan bastap aiaqtalǵan qylmys bolyp esepteledi. Isterin istep alyp, keiin qansha ókinse de, qaskói qylmystyq jaýapkershilikten qutyla almaidy»,- dedi departament bastyǵynyń orynbasary.
