قازاقستاندا تەرروريزم اكتٸسٸ تۋرالى جالعان حابارلاما تاراتقاندار 14,5 ملن تەڭگە ايىپپۇل تٶلەيدٸ. بۇل تۋرالى قر ٸٸم ەكسترەميزمگە قارسى ٸس-قيمىل دەپارتامەنتٸ باستىعىنىڭ ورىنباسارى دارحان رازۋەۆ ايتتى, دەپ حابارلايدى قازاقپارات.
«قازاقستاندا تەرروريزم اكتٸسٸ تۋرالى كٶرٸنەۋ جالعان حابارلاما ٷشٸن 5 000 ايلىق ەسەپتٸك كٶرسەتكٸشكە, ياعني 14,5 ملن تەڭگەگە دەيٸن ايىپپۇل تٶلەۋ نەمەسە وسى كٶلەمدە تٷزەۋ جۇمىستارىنا تارتۋ, سونداي-اق 5 جىلعا دەيٸن باس بوستاندىعىنان ايىرۋ نەمەسە شەكتەۋ جازاسى قولدانىلادى. وسى قىلمىستى جاساعانى ٷشٸن 14 جاسقا تولعان بالالار قىلمىستىق جاۋاپقا تارتىلادى. سوندىقتان مۇنى مەكتەپ وقۋشىلارى بٸلۋٸ تيٸس», - دەدٸ دارحان رازۋەۆ ٸمم باسپاسٶز قىزمەتٸ الاڭىندا ٶتكەن بريفينگتە.
سونىمەن قاتار ونىڭ ايتۋىنشا, وسىنداي حابارلامانىڭ كەسٸرٸنەن كەلتٸرٸلگەن بارلىق شىعىندار ٶتەلۋٸ تيٸس. مۇنداي ەرەكەتتٸ كەمەلەتكە تولماعان بالا جاساعان بولسا, شىعىندى اتا-اناسى ٶتەيدٸ.
«تەرروريزم اكتٸسٸ تۋرالى كٶرٸنەۋ جالعان حابارلاما – ول ەزٸل دە, ەرمەك تە ەمەس. بۇل قىلمىستىق جازالاناتىن ەرەكەت ەكەنٸن تاعى دا ەستەرٸڭٸزگە سالعىم كەلەدٸ. جالعان حابارلاما بەرٸلگەن ۋاقىتتان باستاپ اياقتالعان قىلمىس بولىپ ەسەپتەلەدٸ. ٸستەرٸن ٸستەپ الىپ, كەيٸن قانشا ٶكٸنسە دە, قاسكٶي قىلمىستىق جاۋاپكەرشٸلٸكتەن قۇتىلا المايدى»,- دەدٸ دەپارتامەنت باستىعىنىڭ ورىنباسارى.
