Senator Murat Baqtiiaruly qazaq tili terminologiialyq komissiiasy jumysynyń problemalaryn sheshýdi surady. Depýtattyq saýalynda ol júieli túrde terminologiialyq jumystarmen ainalysatyn ǵylymi-praktikalyq ortalyq qurý qajettigi týraly máseleni kóterdi, dep habarlaidy "Ult aqparat".
Senatordyń aitýynsha, qazaq tiliniń terminologiiasyn ázirleý kásibi biliktiliktiń joǵary deńgeiin talap etedi. Sondyqtan bul ispen sheneýnikter emes terminniń tildik tabiǵatyn tereń biletin lingvist ǵalymdar men terminologiialyq sózdikter jasap, oqýlyqtar jazyp, termintanýdyń qoldanbaly máselelerimen tikelei ainalysyp júrgen naqty ǵylymdar men jaratylystaný salasynyń mamandaryna tapsyrǵan oryndy ekeni atalyp ótildi.
«El táýelsizdigin jariialaǵannan keiin bul saladaǵy komissiiaǵa til saiasatyn júrgizýge jaýapty ministrliktiń basshylary tóraǵa boldy. Komissiia quramyna Prezident Ákimshiligi qyzmetkerleri, depýtattar, QR Parlamenti aýdarma bóliminiń meńgerýshileri, úkimet pen ministrlikterdiń ókilderi, bas redaktorlar engizildi. Bizdińshe, ózderiniń laýazymdyq mindetteri bar, jumystary basynan asatyn ári termin máselesimen júieli túrde ainalyspaityn músheler quramyna kirgen komissiia terminologiianyń qyrýar tirligin minsiz atqara almaidy. Bul jaǵdai terminologiialyq jumystardy uiymdastyrý máselesin qaita qaraý qajettigin aiqyn kórsetip otyr», - dep atap ótti depýtat.
