Syrtqy ister ministri Muhtar Tileýberdi Mysyrdaǵy qazaqstandyq diplomattyń qazasyna bailanysty tilshilerdiń suraǵyna jaýap berdi, dep habarlaidy QazAqparat.
«Ázirge tergeý júrip jatyr. Tergeý nátijesi bizdiń jaqqa berilgen joq. Sondyqtan kúte turaiyq. Olar (is-materialdary) qazir Egipettiń Bas prokýratýrasynda, sol eldiń syrtqy ister ministrligi arqyly bizge beriledi. Jańa jylǵa deiin, osy aptanyń sońy nemese kelesi aptada marqumnyń denesi elge jetkiziledi dep kútýdemiz», - deidi Muhtar Tileýberdi Úkimet otyrysynan keiin.
Muhtar Tileýberdiniń aitýynsha, sýitsid - eń birinshi nusqa retinde qarastyrylyp jatyr.
Esterińizge sala keteiik, buǵan deiin SIM Egipette óz qyzmetkeriniń qaitys bolǵanyn rastaǵan bolatyn.
Keibir aqparat quraldary qazaqstandyq diplomattyń óliminiń jumbaq mán-jaiy týraly habarlaǵan edi. Atap aitqanda, E. Joldasovtyń kireberiste qoldary artyna bailanyp, óli kúiinde tabylǵany týraly aqparat jariialandy.
Al QR Syrtqy ister ministrliginiń resmi ókili Aibek Smadiiarov Qazaqstan Respýblikasynyń Egipettegi Elshiliginiń qyzmetkeri Elaman Joldasovtyń qazasyna qatysty qaýesetke túsinik berdi. Onyń aitýynsha, marqumnyń denesinde eshqandai daq, kógerý, qandai da bir jaraqat bolmaǵan. Aiaq-qoly bailanbaǵan.
