Qyrǵyzstannyń burynǵy premer-ministri Ómirbek Babanov Qyrǵyzstannan ketip qaldy. Bul týraly Jogorký Keńeshtiń depýtaty Mirlan Jeenchoroev habarlady.
Biraq ol Babanovtyń naqty qaida ushqanyn aitpady. Tek 5 tamyzda Bishkek – Máskeý reisimen ushyp ketti dedi.
Burynǵy premer-ministr 31 mamyrda "Qumtór" isi boiynsha ustalǵan. 27 shildede sot oǵan qatysty bultartpaý sharasyn ózgertip, shetelde em qabyldaýǵa ruqsat bergen. Onyń advokaty Amantýr Abdyrahmanov Babanovqa elde diagnoz qoia almai jatyr dep málimdegen.
"Qumtór" kenishi boiynsha qozǵalǵan qylmystyq iske qatysty Qyrǵyzstanda birneshe laýazymdy qyzmetker ustalǵan. Olardyń arasynda burynǵy jáne qazirgi depýtattar, sheneýnikter bar: Asylbek Jeenbekov, Torobai Zýlpýkarov, Ishak Pirmatov jáne Talantbek Ýzakbaev, eks-prezident Almazbeka Atambaevtyń Jogorký Keńeshtegi ókili Daniiar Narymbaev, Taiyrbek Sarpashev jáne burynǵy premer-ministr Temir Sariev.
Tergeý isine kómektesý jóninde qolhat jazǵannan keiin Almazbek Baatyrbekov, Talantbek Ýzakbaev, Ishak Pirmatov jáne Taiyrbek Sarpashevtar tergeý abaqtysynan úiqamaqqa aýystyryldy.
