Qazaqstandyqtar Dmitrii Popko men Aleksandr Nedovesov elordada ótip jatqan Forte Challenger 100 týrnirinde juptyq kezdesýlerin sátti ótkizdi, dep habarlaidy "Ult aqparat".
Aldymen grýziialyq Aleksandr Metrevelimen jup qurǵan D.Popko kortqa shyǵyp, reseilik Ian Bondarevskii – chehiialyq Dominik Palanmen kezdesti.
Qazaqstandyq-grýziialyq jup 1 saǵattan sál astam ýaqytqa sozylǵan básekede 6:3, 6:4 esebimen utty. Endi olar jartylai finalǵa shyǵý úshin amerikalyqtar Natan Pasha – Maks Shnýrmen talasady.
Juptyq synda osy jarystyń 1-raketkalary bolyp tirkelgen A.Nedovesov pen ýkrainalyq Denis Molchanov qazaqstandyqtar Saǵadat Aiap – Danil Ozernoimen sheberlik baiqasty.
Chellendjer dodalarynda jeńiske jetip júrgen A.Nedovesov pen D.Molchanov qarsylastarynan 6:3, 6:1 esebimen basym tústi. Endi olar shirek finalda reseilik Pavel Kotov – taibeilik Týng-Lin Výmen kúsh synasady.
