قازاقستاندىقتار دميتريي پوپكو مەن الەكساندر نەدوۆەسوۆ ەلوردادا ٶتٸپ جاتقان Forte Challenger 100 تۋرنيرٸندە جۇپتىق كەزدەسۋلەرٸن سەتتٸ ٶتكٸزدٸ, دەپ حابارلايدى "ۇلت اقپارات".
الدىمەن گرۋزييالىق الەكساندر مەترەۆەليمەن جۇپ قۇرعان د.پوپكو كورتقا شىعىپ, رەسەيلٸك يان بوندارەۆسكيي – چەحييالىق دومينيك پالانمەن كەزدەستٸ.
قازاقستاندىق-گرۋزييالىق جۇپ 1 ساعاتتان سەل استام ۋاقىتقا سوزىلعان بەسەكەدە 6:3, 6:4 ەسەبٸمەن ۇتتى. ەندٸ ولار جارتىلاي فينالعا شىعۋ ٷشٸن امەريكالىقتار ناتان پاشا – ماكس شنۋرمەن تالاسادى.
جۇپتىق سىندا وسى جارىستىڭ 1-راكەتكالارى بولىپ تٸركەلگەن ا.نەدوۆەسوۆ پەن ۋكراينالىق دەنيس مولچانوۆ قازاقستاندىقتار ساعادات اياپ – دانيل وزەرنويمەن شەبەرلٸك بايقاستى.
چەللەندجەر دودالارىندا جەڭٸسكە جەتٸپ جٷرگەن ا.نەدوۆەسوۆ پەن د.مولچانوۆ قارسىلاستارىنان 6:3, 6:1 ەسەبٸمەن باسىم تٷستٸ. ەندٸ ولار شيرەك فينالدا رەسەيلٸك پاۆەل كوتوۆ – تايبەيلٸك تۋنگ-لين ۆۋمەن كٷش سىناسادى.
