Elordadaǵy «Dáýlet» sport kombinatynda tennisten ótip jatqan qysqy el chempionatynda jekelei synda finalister anyqtaldy, dep habarlaidy "Ult aqparat".
Qazaqstan tennis federatsiiasynan málim etkenindei, ásirese, «Team Kazakhstan» akademiiasynyń túlegi, 16 jastaǵy Arýjan Saǵyndyqova bapkerleri men jankúierlerin qýantty.
Ol jartylai finalda Ýliana Romanovany 6:4, 6:3 esebimen tize búktirip, óz sporttyq jolynda alǵash ret Qazaqstan birinshiliginiń finalyna shyqty.
Arýjan altyn júlde úshin 2016 jylǵy el chempiony Gózal Ainitdinovamen talasady. Ol Janel Rústemovany 6:0, 7:5 esebimen utty.
Erler arasynda finalda Dostanbek Tashbolatov pen Grigorii Lomakin kezdesedi. Dostanbek jartylai finalda 15 jasar Erasyl Erdildany 6:0, 6:2 esebimen ońai jeńdi. Al G.Lomakin taǵy bir jas tennisshi Islam Orynbasardy 6:2, 6:2 esebimen joldan taidyrdy.
Juptyq synda A.Saǵyndyqova men Sofiia Chýrsina jeńimpaz atandy. Olar Karina Rizvanova men Mariia Sinitsynany 6:7, 7:6 (9:7), 10:7 esebimen utty.
Erler arasynda D.Tashbolatov pen G.Lomakin Aleksei Kedriýk pen Rodion Pakty 6:3, 6:3 esebimen jeńip, juptyq synda úzdik shyqty.
