Qazaqstannyń birinshi, álemniń 18-raketkasy Elena Rybakina Strasbýrg týrniriniń finalyna shyqty, dep habarlaidy "Ult aqparat".
Osy jarystyń 5-raketkasy bolyp tirkelgen qazaqstandyq tennisshi jartylai finalda reitingte 84-orynda turǵan japoniialyq Nao Hibinomen kezdesti.
E.Rybakina 6:3, 6:4 esebimen eki sette jeńiske jetti.
Báseke 1 saǵat 15 minýtqa sozyldy.
Qazaqstandyq tennisshi finalda álemniń 5-raketkasy, ýkrainalyq Elina Svitolina nemese reitingte 12-satydaǵy Belarýs ókili Arina Sobolenkonyń bireýimen bas júldeni sarapqa salady.
